تيكتوكتا ويىن بيزنەسىن ۇيىمداستىرۋشىلار 4 ايدا 13 ميلليون تەڭگە تاپقان

استانا. قازاقپارات - الماتى تۇرعىندارى «TikTok» الەۋمەتتىك جەلىسىندە اقشانى الۋ جانە ۇتىستاردى بانك اۋدارىمدارى ارقىلى بەرۋمەن ونلاين قۇمار ويىنداردى ۇيىمداستىرعان، دەپ حابارلايدى قازاقپارات.

باسپا ءسوز قىزمەتىنىڭ حابارلاۋىنشا، قارجىلىق مونيتورينگ اگەنتتىگىنىڭ (ق م ا) قالالىق دەپارتامەنتى الەۋمەتتىك جەلىدە زاڭسىز ويىن بيزنەسىن ۇيىمداستىرۋشىلاردىڭ ارەكەتىن توقتاتتى.

تەرگەۋ بارىسىندا ازاماتتاردىڭ الەۋمەتتىك جەلىلەردە 4 اي ىشىندە زاڭسىز ويىن بيزنەسىن ۇيىمداستىرىپ، 13 ميلليون تەڭگەگە جۋىق سومادا، ياعني اسا ءىرى كولەمدە كىرىس العانى دالەلدەندى.

الماتى قالاسىنىڭ ەكى تۇرعىنى كىنالى دەپ تانىلىپ، 1,5 جىلعا باس بوستاندىعىنان ايىرىلدى.

سونىمەن قاتار، سوت زاڭسىز ويىن بيزنەسى سالاسىندا اسا ءىرى كولەمدە كىرىس الۋ ارقىلى وسىعان ۇقساس قۇقىق بۇزۋشىلىق جاساعان 4 تۇلعاعا قاتىستى ءىستى قارالۋدا.