قازاقستاننىڭ 4 وڭىرىندە 12 تاسجول ءالى دە جابىق
ايتاپ ايتقاندا، اقمولا، ش ق و، قاراعاندى جانە قوستاناي وبلىسىندا ءبىرقاتار جول ۋچاسكەسى ءالى دە جابىق. «اۋا- رايى ءالى دە قولايسىز. تۇرعىنداردى الىس جولعا شىقپاۋعا شاقىرامىز.
اۋا- رايى بولجامىن ءجىتى قاداعالاپ وتىرۋ كەرەك. ال ەگەر اۆتوكولىك يەگەرى قار قۇرساۋىندا قالىپ قويىپ جاتسا، وندا تاۋلىك بويى جۇمىس ىستەيتىن 1403 نومىرىنە حابارلاسۋ قاجەت ەكەنىن ەسكە سالامىز»، - دەپ حابارلايدى اتالعان ۆەدومستۆودان.
حابارلامادا ايتىلعانداي، قازىر ەلىمىز بويىنشا جول قوزعالىسىن قالپىنا كەلتىرۋ ءۇشىن 1100 قىزمەتكەر مەن 650 بىرلىك ارنايى تەحنيكا جۇمىلدىرىلدى.
«الداعى كۇندەرى دە جول قىزمەتتەرى كۇشەيتىلگەن رەجيمدە جۇمىس ىستەپ، اۆتوجولدار احۋالىن قاداعالايدى»، - دەلىنگەن مالىمەتتە.
وسى ورايدا قازاۆتوجول ۇلتتىق كومپانياسى جابىق تۇرعان جول ۋچاسكەلەرى تۋرالى اقپاراتتى وسى سىلتەمە ارقىلى باقىلاۋعا بولاتىنىن ەسكە سالادى.
