يندۋستريالاندىرۋ 4.0: ق ر پرەزيدەنتى يندۋستريالاندىرۋدىڭ ءۇشىنشى بەسجىلدىعىن ازىرلەۋدى تاپسىردى
سونىمەن قاتار، يندۋستريالاندىرۋ 4.0 جاڭا تەحنولوگيالىق قالىپتىڭ بارلىق مۇمكىندىكتەرىن پايدالانا وتىرىپ، مەيلىنشە يننوۆاتسيالىق سيپاتقا يە بولۋعا ءتيىس.
«2018 -جىلى «سيفرلىق ءداۋىر» ونەركاسىبىن قالىپتاستىرۋعا ارنالعان يندۋستريالاندىرۋدىڭ ءۇشىنشى بەسجىلدىعىن ازىرلەۋگە كىرىسۋ كەرەك... ەلىمىزدىڭ بىرنەشە ونەركاسىپتىك كاسىپورنىن سيفرلاندىرۋ جونىندەگى پيلوتتىق جوبانى ىسكە اسىرىپ، بۇل تاجىريبەنى كەڭىنەن تاراتۋ كەرەك»، - دەلىنگەن ەلباسى جولداۋىندا.
سونداي-اق، ق ر پرەزيدەنتى ەلىمىزدىڭ بىرنەشە ونەركاسىپتىك كاسىپورنىن تسيفرلاندىرۋ جونىندەگى پيلوتتىق جوبانى ىسكە اسىرىپ، بۇل تاجىريبەنى كەڭىنەن تاراتۋ كەرەك ەكەندىگىن اتاپ ءوتتى. تسيفرلىق جانە باسقا دا يننوۆاتسيالىق شەشىمدەردى ازىرلەۋشىلەردىڭ ءوز ەكوجۇيەسىن دامىتۋى اسا ماڭىزدى ماسەلەگە اينالىپ كەلە جاتقانىن ايتتى.
«ول ءبىزدىڭ نازاربايەۆ ۋنيۆەرسيتەتى، «استانا» حالىقارالىق قارجى ورتالىعى، IT- ستارتاپتاردىڭ حالىقارالىق تەحنوپاركى سياقتى يننوۆاتسيالىق ورتالىقتاردىڭ توڭىرەگىندە قالىپتاسۋعا ءتيىس.
«الاتاۋ» يننوۆاتسيالىق تەحنولوگيالار پاركىنىڭ قىزمەتىن ۇيىمداستىرۋدى تۇبەگەيلى قايتا قاراۋ قاجەت. ناقتى سەكتوردىڭ جاڭا تەحنولوگيالارعا دەگەن سۇرانىستى ىنتالاندىرۋى جانە ۆەنچۋرلىق قارجىلاندىرۋدىڭ جەكە نارىعىنىڭ قىزمەتى يننوۆاتسيالىق ەكوجۇيە جەتىستىكتەرىنىڭ نەگىزگى فاكتورلارى بولىپ سانالادى» دەلىنگەن جولداۋدا.
