شىمكەنتتە ورتتەن كەلگەن ماتەريالدىق شىعىن سوماسى 3 ەسەگە ارتقان
بۇل تۋرالى شىمكەنت قالاسىنىڭ ت ج د مەملەكەتتىك ءورت باقىلاۋ باسقارماسىنىڭ باستىعى ەلميرا ەرەجەپوۆا مالىمدەدى، دەپ حابارلايدى قازاقپارات ءتىلشىسى.
شىمكەنتتە جىل باسىنان بەرى ءورت وقيعالارىنان 8 ادام قايتىس بولدى. ال ماتەريالدىق شىعىن 552 ميلليون 742 مىڭ تەڭگە بولعان. بۇل كورسەتكىش وتكەن جىلمەن سالىستىرعاندا 3 ەسە ارتقانىن كورۋگە بولادى.
جالپى شىمكەنت قالاسى اۋماعىندا جىل باسىنان بەرگى جەتى اي ىشىندە 109 ءورت وقيعاسى تىركەلدى. ونىڭ 75 پايىزىن تۇرعىن ۇيلەر مەن اۆتوكولىكتەردەگى ءورت وقيعالارى قۇراپ وتىر. قالعان 25 پايىزى ءوندىرىس، ساۋدا، قويما، اكىمشىلىك وبەكتىلەردە جانە اشىق اۋماقتاردا بولعان.
«ءورت وقيعالارىنان قۇتقارىلعان ماتەريالدىق قۇندىلىق 1 ميلليارد 363 ميلليون 430 مىڭ تەڭگە بولعان. وسى جىلى ورتتەن جاراقات العاندار جوق. ال قازا بولعانداردىڭ باسىم بولىگى الكوگولدى ماساڭ كۇيدە بولعان. ت ج د قىزمەتكەرلەرى تاراپىنان تۇراقتى تۇردە بارلىق پاتەر يەلەرىنە ءورت قاۋىپسىزدىك تالاپتارىن ساقتالۋى تۋرالى ۇگىت-ناسيحات جۇمىستارى جۇرگىزىلىپ، جادىناما پاراقشالارى تاراتىلدى. بۇل باعىتتاعى جۇمىستار تۇراقتى تۇردە جۇرگىزىلىپ جاتىر» - دەدى ەلميرا ەرەجەپوۆا.
