ۇرمەلى ماتراسقا مىنگەن 3 قىز كاسپي تەڭىزىندە تۇنەدى

اقتاۋ. قازاقپارات - اقتاۋدا ۇرمەلى ماتراسپەن تەڭىز ورتاسىنا اعىپ كەتكەن ءۇش قىز ءبىر تۇننەن كەيىن تابىلدى.
None

بۇل تۋرالى ماڭعىستاۋ وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

«بۇگىن تاڭعى ساعات 6 شاماسىندا «قازتەڭىزكولىك فلوتى» ج ش س «سۇڭقار» كەمەسىنىڭ ەكيپاجى تەڭىز جاعالاۋىنان 22 شاقىرىم قاشىقتىقتا 3 قىزدى قۇتقاردى»، - دەلىنگەن باسپا ءسوز مالىمەتىندە.

قىزداردىڭ دەنساۋلىق جاعدايى تۇراقتى، ولارعا مەديتسينالىق كومەك كورسەتىلگەن.

ەسكە سالساق، كەشە كاسپي تەڭىزىندە ۇرمەلى ماتراسقا مىنگەن ءۇش قىز ىزدەستىرىلىپ جاتقانىن جازعان ەدىك. قۇتقارۋ جۇمىستارىنا تىكۇشاق تا تارتىلدى.


سوڭعى جاڭالىقتار