كەيىنگى 3 جىلدا جاساندى تۇسىك جاساتۋ ازايدى
بۇل تۋرالى «اشىق» ن ق ا پورتالىندا جاريالاعان 2030 -جىلعا دەيىن انا مەن بالا دەنساۋلىعىن ساقتاۋ قىزمەتىن دامىتۋ تۇجىرىمداماسىندا جازىلعان، دەپ حابارلايدى قازاقپارات ءتىلشىسى.
«قازاقستاندا ابورت بۇرىنعىداي بالا تۋۋدى رەتتەۋدىڭ كەڭ تارالعان پراكتيكاسى بولىپ تابىلادى. رەسمي تۇردە تىركەلگەن جاساندى تۇسىك جاساتۋ كورسەتكىشى سوڭعى 3 جىلدا تومەندەپ كەلەدى. الايدا، ەۋروپانىڭ باسقا ەلدەرىندەگى 1000 ايەلگە شاققانداعى ۇقساس كورسەتكىشتەن 3 تەن 7 گە جوعارى.
سوڭعى جىلدارى مەديتسينالىق كورسەتىلىمدەر بويىنشا ابورت سانى ۇلعايدى. بارلىق ابورتتار بويىنشا ولاردىڭ ۇلەسى 2021 -جىلى %75 دى قۇرادى. ونىڭ ىشىندە جاعدايدىڭ %60 ى ايەل دەنساۋلىعىمەن جانە %40 ى نارەستە دامۋىنىڭ تۋا پايدا بولعان اۋىتقۋلارىمەن بايلانىستى بولدى»، - دەپ جازىلعان تۇجىرىمدامادا.
قۇجاتتا قامتىلعان دەنساۋلىق ساقتاۋ مينيسترلىگىنىڭ دەرەگىنە ساي، ءاربىر التىنشى جۇكتىلىك وزدىگىنەن نەمەسە مەرزىمىنەن بۇرىن بوسانۋمەن اياقتالادى.
«سونىمەن قاتار، قىلمىستىق تۇسىكتەر سانىنىڭ 2,3 ەسەگە (2019 -جىلعى 29 جاعدايدان 2021 -جىلعى 69 جاعدايعا دەيىن) ءوسۋى بايقالادى. بۇل تۇسىككە ارنالعان دارىلىك زاتتاردىڭ باقىلاۋسىز ەركىن قولجەتىمدىلىگىمەن بايلانىستى»، - دەلىنگەن تۇجىرىمداماداعى مينيسترلىك اقپاراتىندا.
سونداي-اق، قۇجاتتا «اڭساعان ءسابي» باعدارلاماسىن ىسكە اسىرىلۋى تۋرالى مالىمەتتەر كەلتىرىلگەن. اتاپ ايتقاندا، وسى جوبا اياسىندا ەكى جىل ىشىندە 4 مىڭ ءسابي دۇنيەگە كەلدى.
