زاڭعا قاتىستى حالىق كوپ جىبەرەتىن 3 قاتە
زاڭگەر بەردىمۇرات حاسەن ۇلى ءوزىنىڭ ينستاگرام پاراقشاسىندا زاڭعا قاتىستى حالىق ءجيى جىبەرەتىن 3 قاتەلىكتى ايتتى، - دەپ حابارلايدى Massaget.kz ءتىلشىسى.
زاڭگەر بەردىمۇرات حاسەن ۇلىنىڭ ايتۋىنشا، كوپشىلىك ادام مىنا قاتەلىكتەردى جىبەرەدى:
1-قاتەلىك:
قاراپايىم كەلىسىم-شارتتى (دوگوۆور) وقىماۋ. الدىڭىزعا قاعاز بەرەدى، «مىنا جەرگە قول قوياسىز» دەگەن كەزدە، كوپشىلىك بىردەن سول جەرگە قول قويا سالادى. نە ءۇشىن قويىپ جاتىرسىز؟ سول كەلىسىمگە كەلىسىپ تۇرعاننان. كەيىن سول بويىنشا بانك ارەكەت جاساسا، ارتىنان جىلاپ قالاسىز. سول ءۇشىن كەلىسىم-شارتتى ەكى جاقتىڭ كەلىسىمىمەن جاساڭىز. تۇسىنبەگەن جەرىڭىزدى سۇراۋعا ۇيالماڭىز.
2-قاتەلىك:
بانك قىزمەتكەرلەرىنەن قورقۋ، ولاردىڭ ءسىزدىڭ حاقىڭىزعا كىرۋىنە جول بەرۋ. بانك قىزمەتكەرلەرى - قاراپايىم ادامدار. ولاردا دا كرەديت بار، ولاردا دا قارىز بار. ءسىزدى بالاعاتتاۋعا، ءسىزدىڭ حاقىڭىزعا كىرۋگە جول بەرمەڭىز. قورىقپاڭىز.
3-قاتەلىك:
تەك ءوزىم دەپ شاۋىپ ءجۇرۋ. پروبلەما تۋسا، تەك ءوزىڭىز ەمەس، پروبلەماڭىزدى شەشەتىن ادامدارعا جۇگىنىپ، شارۋاڭىزدى وڭاي ءارى تەز شەشە الاسىز. ماسەلە تۇرىنە قاراي ءوز ءىسىنىڭ ماماندارىنا جۇگىنىڭىز. بىرىگىپ كوتەرگەن - جۇك جەڭىل.