سۋدانداعى گۋمانيتارلىق ءبىتىم تاعى 3 كۇنگە سوزىلدى
بۇعان دەيىن ول ءىشىنارا عانا ساقتالعان ەدى. سۋدانداعى قاقتىعىستان جۇزدەگەن ادام قازا بولدى. بۇل تۋرالى قازاقپارات euronews-كە سىلتەمە جاساپ حابارلايدى.
سۋدان ارمياسى مەن «جەدەل قولداۋ كۇشتەرى» (RSF) اسكەريلەندىرىلگەن قۇرىلىمى بەيسەنبىدە ءتۇن ورتاسىندا اياقتالاتىن اتىستى توقتاتۋ رەجيمىن تاعى 72 ساعاتقا ۇزارتۋعا كەلىستى.
بۇعان سۋدان – ا ق ش، ساۋد ارابياسى، ۇلى بريتانيا جانە بىرىككەن اراب امىرلىكتەرى، سونداي-اق ب ۇ ۇ جانە افريكا ايماقتىق ۇيىمدارى بويىنشا «كۆارتەت» وكىلدەرىمەن جۇرگىزىلگەن كەلىسسوزدەر اسەر ەتتى. دەلدالدار ۇزاعىراق ءبىتىم ورناتۋ ءۇشىن «تاراپتاردىڭ ديالوگكە دايىندىعىن» قۇپتايدى، سونداي-اق مۇقتاج جاندارعا كومەك كورسەتۋ ءۇشىن «كەدەرگىسىز گۋمانيتارلىق قول جەتىمدىلىكتى» قامتاماسىز ەتۋگە شاقىرادى.
حارتۋمداعى اۋدانداردا اتىس جالعاسىپ جاتقانى، چادپەن شەكتەسەتىن دارفۋر وڭىرىندە ەسكالاتسيا تۋرالى حابارلاندى.
تاياۋدا ەگيپەت س ءى م قاقتىعىس باستالعالى رەسپۋبليكانىڭ 14 مىڭ سۋداندىقتى قابىلداعانىن مالىمدەدى.
ەسكە سالايىق، 15- ساۋىردە سۋداننىڭ ۇلتتىق قورعانىس كۇشتەرى مەن جەدەل ارەكەت ەتۋ كۇشتەرى اراسىندا قارۋلى قاقتىعىس باستالعان بولاتىن.