ەلىمىزدىڭ وڭتۇستىگىندە 3 شەتەلدىك تەراكت ۇيىمداستىرماق بولعان – ۇ ق ك

استانا. قازاقپارات - بيىلعى جىل باسىنان بەرى ۇلتتىق قاۋىپسىزدىك كوميتەتىنىڭ تەرروريزممەن كۇرەس بولىمشەلەرى وڭتۇستىك قازاقستاندا شەتەلدىك ازامات قولدان جاسالعان جارىلعىش قۇرىلعىسىن قولدانۋ ارقىلى جاساماق بولعان تەرروريستىك اكتىنىڭ الدىن الدى.

بۇل تۋرالى قازاقپارات ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ حابارلايدى.

سونىمەن قاتار، استانادا راديكالدى ءدىني ۇياشىق بەيتاراپتاندىرىلدى. ونىڭ 8 مۇشەسى تەرروريستىك توپتى قۇرۋ، تەرروريزمدى ناسيحاتتاۋ جانە قارجىلاندىرۋ، سونىمەن قاتار وزگە دە قىلمىستارعا قاتىسى بار دەگەن كۇدىككە ءىلىندى.

وسىعان ۇقساس فاكتىلەر بويىنشا جالپى 19 ادام ۇستالىپ، قازاقستاننىڭ تاعى 4 ازاماتى ءارتۇرلى مەرزىمگە باس بوستاندىعىنان ايىرۋ جازاسىنا سوتتالدى.

اتالعان قاۋىپتەرگە قارسى ءىس- قيمىلدى جەتىلدىرۋ اياسىندا تەرروريزمگە قارسى ورتالىقتىڭ ۇيلەستىرۋىمەن 188 وقۋ- جاتتىعۋ وتكىزىلدى. قۇزىرەتتى مەملەكەتتىك ورگانداردىڭ كۇش- قۇرىلىمدارىنىڭ تەرروريستىك قاتەرلەردى ۋاقتىلى انىقتاۋ مەن تەرروريزم اكتىلەرىنىڭ جولىن كەسۋ بويىنشا ءىس- قيمىلدارىن بىرلەستىرۋ جۇمىسى پىسىقتالدى.

«جالعان تەرروريزمگە قارسى ءىس- قيمىلدى جەتىلدىرۋ بويىنشا شارالار كۇشەيتىلدى» ، - دەلىنگەن ق ر ۇ ق ك باسپا ءسوز قىزمەتى تاراتقان اقپاراتتا.