الەۋمەتتىك جەلىدە قىز بولىپ تانىسىپ، 3 ميلليون تەڭگە العان: قوستانايدا ەر ادام ۇستالدى

قوستاناي. قازاقپارات - قوستاناي پوليتسەيلەرى الەۋمەتتىك جەلىلەردە ءوزىن قىز رەتىندە تانىستىرىپ، اقشا سۇراپ كەلگەن الاياقتى ۇستادى، دەپ حابارلايدى قازاقپارات Polisia.kz-كە سىلتەمە جاساپ.

3-ساۋىردە قوستاناي قالاسىندا وبلىستىق پوليتسيا دەپارتامەنتىنىڭ كيبەرقىلمىسقا قارسى كۇرەس ءبولىمىنىڭ قىزمەتكەرلەرى قوستاناي وبلىسىنىڭ 27 جاستاعى تۋماسىن ۇستادى.

ءمالىم بولعانداي، ەر ادام الەۋمەتتىك جەلىلەردە قىز رەتىندە تىركەلىپ، تانىسىنان ارا- تۇرا ەمگە اقشا سۇراپ وتىرعان.

«كۇدىكتى قىزدىڭ اتىنان جالعان پاراقشا اشىپ، الەۋمەتتىك جەلىلەر ارقىلى الداۋ جانە سەنىمدى اسىرا پايدالانۋ ارقىلى ەمدەلۋ سىلتاۋىمەن شامامەن 3 ميلليون تەڭگەنى يەمدەنگەن. جابىرلەنۋشى جالعان قىزعا شامامەن 5 اي كولەمىندە اقشا اۋدارىپ وتىرعان. پوليتسەيلەر زاتتاي دالەلدەمەلەردى - بانك كارتالارىن، SIM- كارتالاردى جانە ۇيالى تەلەفوندى تاركىلەدى»، - دەدى قوستاناي وبلىسى پد كيبەرقىلمىسپەن كۇرەس ءبولىمىنىڭ باستىعى ولجاس ماعىپاروۆ.

سوتقا دەيىنگى تەرگەۋ باستالدى.