جاۋىن، تۇمان، كوكتايعاق - الداعى 3 كۇنگى اۋا رايى بولجامى

استانا. قازاقپارات - قازگيدرومەت الداعى 3 كۇندەگى اۋا رايى بولجامىن جاريالادى، دەپ حابارلايدى قازاقپارات.

ەلىمىزدىڭ باتىسىندا، سولتۇستىك- باتىسىندا جانە وڭتۇستىگىندە جوعارى قىسىم القابىمەن جاۋىن- شاشىنسىز اۋا رايى ساقتالادى. رەسپۋبليكانىڭ ورتالىعىندا، سولتۇستىگىندە، شىعىسىندا جانە وڭتۇستىك- شىعىسىندا اتموسفەرالىق فرونتالدى بولىمدەردىڭ ىقپالىمەن جاۋىن- شاشىن، نەگىزىنەن قار تۇرىندە بولادى. 16-ناۋرىزدا كۇندىز الماتى وبلىسىنىڭ وڭتۇستىگى مەن تاۋلى اۋداندارىندا، 17-18-ناۋرىزدا تاۋلىك بويى ەلىمىزدىڭ شىعىسىندا، وڭتۇستىك- شىعىسىندا قاتتى جاۋىن- شاشىن، كوكتايعاق، جاياۋ بۇرقاسىن، جەلدىڭ كۇشەيۋى كۇتىلەدى.

قازاقستان بويىنشا تۇمان بولجانادى. تەمپەراتۋرالىق فونعا كەلەتىن بولساق، ايتارلىقتاي وزگەرىستەر كۇتىلمەيدى، تەك ەلىمىزدىڭ وڭتۇستىك- شىعىسىندا اۋا تەمپەراتۋراسى تۇندە 0-8 گرادۋس سۋىق، كۇندىز 0-7 گرادۋس جىلى بولادى.