اقتوبەدە تۇرعىنداردىڭ 3 جىل بۇرىن ساتىپ العان كولىكتەرى وزىنە تيەسىلى ەمەس بولىپ شىقتى
ءبىراق قازىر كولىكتەر «گارانت 24 لومبارد»، «ۆىگودنىي زايم» جانە باسقا دا ءبىرقاتار فيرمالاردىڭ اتىشۋلى قىلمىستىق ىستەرىندە زاتتاي ايعاق رەتىندە پايدالانىلىپ جاتقانى بەلگىلى بولدى. كوبىنەن كولىكتەرىن ايىپ تۇراعىنا العان، ولاردى قايتارىپ بەرەتىنى بەلگىسىز. بۇل تۋرالى «ك ت ك» تەلەارناسىنىڭ سيۋجەتىندە ايتىلدى، - دەپ حابارلايدى Tengrinews.kz ءتىلشىسى.
«ارنايى ح ق ك و ارقىلى راسىمدەلدى، ياعني بۇل لومبارد نەمەسە باسقا نارسە تۋرالى ەشتەڭە ايتىلماعان. 2020 -جىلى قاڭتاردا ساتىپ الدىق، سول جىلدىڭ مامىرىندا بىزدەن قايتا الىپ الدى. ولار ونى ساقتاۋ تۋرالى قولحاتپەن الىپ كەتتى. ءبىراق ءۇش جىلدان اسا ۋاقىت بويى ءبىز ءوز مۇلكىمىزدى پايدالانا الماي وتىرمىز. قالاي بولعاندا دا، ادال اقشاعا ساتىپ الىنعان مۇلكتى بەرە سالۋعا قۇلشىنىس جوق»، - دەدى اۆتوكولىك يەسى الەكسەي پۋپىكين.
قالا تۇرعىندارىنىڭ ايتۋىنشا، ولار كولىكتەردى تانىمال سايتتارداعى جارنامالار ارقىلى ساتىپ العان. مامىلە جاسالعاننان كەيىن كولىكتەر ەش قيىندىقسىز جاڭا يەلەرىنە تىركەلگەن.
كولىكتەردىڭ تاعدىرى ازىرگە بەلگىسىز. ولاردى ەندى الاياقتاردىڭ الداپ-ارباۋىنا تۇسكەن بۇرىنعى قوجايىندارى تالاپ ەتىپ وتىر. داۋ ازاماتتىق سوتتا شەشىلۋى كەرەك ەدى. ءبىراق پروكۋرورلار نارازىلىق كەلتىردى، وعان سايكەس بارلىق مۇلىك بۇرىنعى يەلەرىنە قايتارىلۋى كەرەك.
«اقتوبە قالاسىنىڭ №2-سوتىنىڭ ۇكىمىن وزگەرىسسىز قالدىرىپ، بۇل زاتتاي دالەلدەمەلەردىڭ تاعدىرىن ازاماتتىق تارتىپپەن شەشۋدى سۇرايمىز. ولاردىڭ كەيبىرەۋلەرى ادال ساتىپ الۋشىلارعا تيەسىلى، ياعني زاڭدى يەلەرى»، - دەيدى قۇقىق قورعاۋشى ەرلان قۇلاتايەۆ.
