بيىل «التىن- ەمەل» پاركىندەگى قۇلان سانى 3 مىڭنان استى
جىل سايىن اقپان ايىنىڭ ورتاسىندا «التىن- ەمەل» ۇلتتىق پاركىندە قىزىل كىتاپقا ەنگەن تۇياقتىلارعا ساناق جۇمىستارى جۇرگىزىلەدى. بيىلعى جىلعى ساناق جۇمىستارى ورمان شارۋاشىلىعى جانە جانۋارلار دۇنيەسى كوميتەتىنىڭ باسشىلىعى جانە باسقا دا ءتيىستى ماماندار قاتىستى.
«قاراقۇيرىق، قۇلان جانە ارقاردى ساناۋ ءۇشىن كەمىندە ەكى كۇن كەتەدى. اتالعان جۇمىستار تاڭنىڭ اتىسىمەن جابايى اڭدار جايىلىمعا شىققاننان باستالادى. اڭداردى ساناۋ اتپەن جانە اۆتوكولىكپەن جۇرگىزىلەدى. «التىن- ەمەل» ۇلتتىق تابيعي پاركى اۋماعىنا 1982 -جىلى بارساكەلمەس ارالىنان اكەلىنگەن 27 تۇركىمەن قۇلانى جەتىسۋ وڭىرىنە جاتسىنباي جەرسىنىپ، بۇگىندە ولاردىڭ سانى 3500 دەن اسقان. ساناق ناتيجەسى بويىنشا قاراقۇيرىق سانى 5360، ال ارقار سانى 179 باستى قۇرادى. بىلتىرعى جىلمەن سالىستىرعاندا ءوسىم بايقالادى. ەستەرىڭىزگە سالا كەتەيىك، مۇنداي ساناق بارىسىندا %20 اۋىتقۋشىلىق بولۋى مۇمكىن»، - دەلىنگەن حابارلامادا.
بۇگىندە ۇلتتىق پارك قىزمەتكەرلەرى سانى كوبەيگەن تۇركىمەن قۇلانىن، باسقا دا ەرەكشە قورعالاتىن تابيعي اۋماق تەرريتوريالارىنا جىبەرىپ، جەرسىندىرۋدى قولعا العان. ماسەلەن، بىلتىرعى جىلى «ىلە- بالقاش» رەزەرۆاتى اۋماعىنا 60 باس، «التىن دالا» قورىعىنا 4 باس قۇلان جىبەرىلگەن. اتالعان ەقتا اۋماقتارىنا جالپى سانى 240 قۇلان جەرسىندىرۋ جوسپاردا بار.
