تۇركيادا ءزىلزالا قۇرباندارىنىڭ سانى 3 مىڭعا جەتتى
ونىڭ سوزىنشە، 15834 ادام جاراقات العان.
تۇركيا ۆيتسە- پرەزيدەنتى فۋات وكتاي ءۇيىندى استىنان 7840 ادام امان شىعارىلعانىن ءمالىم ەتتى.
سونداي- اق ف. وكتاي 338 مىڭ ادام جاتاقحانا، ۋنيۆەرسيتەت پەن ءتۇرلى ورنالاستىرۋ ورىندارىنا جايعاستىرىلعانىن ايتتى.
پرەزيدەنت رەجەپ تاييپ ەردوعان تۇركيادا جەتى كۇنگە جالپىۇلتتىق ازا تۇتۋ كۇنىن جاريالادى. ەل اۋماعىندا بارلىق مەملەكەتتىك تۋلار ءتۇسىرىلدى.
تۇركيانىڭ وڭتۇستىك- شىعىسىندا ءبىر تاۋلىك ىشىندە ماگنيتۋداسى جەتى بالدان جوعارى ەكى جەر سىلكىنىسى (جەرگىلىكتى ۋاقىتپەن 04:17-دە - 7,7 بالل، 13:24-تە - 7,6 بالل) بولدى.
تۇركيا بيلىگى جەراستى ءدۇمپۋىنىڭ قايتالانۋىنان قاۋىپتەنىپ، تۇرعىنداردان ۇيلەرىنە قايتپاۋدى سۇرادى.
قازاقستان پرەزيدەنتى قاسىم- جومارت توقايەۆ رەجەپ تاييپ ەردوعانعا كوڭىل ايتۋ جەدەلحاتىن جولداپ، ەل ۇكىمەتىنە تۇركياعا شۇعىل كومەك كورسەتۋدى تاپسىردى.
تۇركياداعى جەر سىلكىنىسىنەن كورشى سيريا ەلىندە دە كوپتەگەن عيمارات قيراپ، قازا بولعان حالىق سانى سوڭعى مالىمەت بويىنشا 1 مىڭنان استى.
اۆتور
بالنۇر قوجاگەلدى