استانانىڭ 3 جىلدىق بيۋجەتى تالقىلاندى
جيىندا نەگىزگى بايانداما جاساعان استانا قالالىق ستراتەگيالىق جانە بيۋجەتتىك جوسپارلاۋ باسقارماسى باستىعىنىڭ ورىنباسارى ايجان تۇگەلبايەۆانىڭ دەرەگىنشە، پاتەرلەردى ساتۋدان تۇسەتىن تۇسىمدەردى ەسەپكە الماعاندا 2023-2025-جىلدارداعى قالانىڭ وزىندىك كىرىسى 1 تريلليون 653,5 ميلليارد تەڭگە بولماق. ال كەلەر جىلى قالا بيۋجەتى 553,1 ميلليارد تەڭگەگە تولىعادى.
«رەسپۋبليكالىق بيۋجەتتەن دامۋعا ارنالعان ماقساتتى ترانسفەرتتەر سوماسى 139 ميلليارد تەڭگەنى، ونىڭ ىشىندە 2023-جىلى 102,3 ميلليارد تەڭگەنى قۇرايدى. استانا رەسپۋبليكالىق بيۋجەتكە 70 ميلليارد تەڭگە مولشەرىندە الىم تولەۋى ءتيىس»، - دەدى ول.
ايجان تۇگەلبايەۆانىڭ دەرەگىنشە، الداعى ءۇش جىلعا استانا اكىمىنىڭ اپپاراتىنا 6 ميلليارد 493,8 ميلليون تەڭگە، ال كەلەسى جىلعا 2 ميلليارد 527,3 ميلليون تەڭگە كوزدەلگەن. ال قالانىڭ 4 اۋدانىنا وزدەرىنە جۇكتەلگەن قىزمەتتەردى اتقارۋعا، سونىمەن قاتار ازاماتتاردى شاقىرۋ جانە تىركەۋ، اۋماقتىق قورعانىس، جەرلەۋ ورىندارىن سانيتاريالىق قامتاماسىز ەتۋ، اباتتاندىرۋ، جارىقتاندىرۋ، كۇتىپ ۇستاۋ ءۇشىن 2023-جىلعا 44 ميلليارد 262,6 ميلليون تەڭگە قاراستىرىلعان.
«ونىڭ ىشىندە الماتى اۋدانى اپپاراتىنا - 10 ميلليارد 914,9 ميلليون تەڭگە، بايقوڭىر اۋدانىنا - 8 ميلليارد 288,5 ميلليون تەڭگە، ەسىل اۋدانىنا - 15 ميلليارد 272,1 ميلليون تەڭگە، سارىارقا اۋدانىنا - 9 ميلليارد 887,1 ميلليون تەڭگە»، - دەدى باسقارما باستىعىنىڭ ورىنباسارى.
