جۇمىسسىز قالدىڭىز با؟ سىزگە قاجەت بولۋى مۇمكىن 3 كەڭەس

جۇمىسىنان ايىرىلعان كەز كەلگەن ادام كۇيزەلىسكە شالدىعادى. ءوزىن-ءوزى باعالاۋى تومەندەيدى. بۇل جاعدايدا نە ىستەۋگە بولادى؟

1. اشۋعا كەتەتىن ەنەرگيانى جاڭا جۇمىس ىزدەۋگە قولدانىڭىز

كەي مانساپ بويىنشا كەڭەسشىلەر ءۇزىلىس الىپ، كەلەسى قادامدارىڭىزدى اسىقپاي ويلانۋدى ۇسىنادى. الايدا، ءسىزدى جۇمىستان شىعارىپ جىبەرگەندە اشۋ بوي الاتىنى انىق. ال مانساپ بويىنشا باسقا كەڭەسشىلەر وسى اشۋ ەنەرگياسىن جاڭا جۇمىس ىزدەۋگە جۇمساۋعا كەڭەس بەرەدى.

ءبىر قىزىعى، كوپشىلىك جاقىندا جۇمىسسىز قالاتىنىن الدىن الا بىلەدى، ءبىراق ەشتەڭە ىستەمەي جۇرە بەرەدى. ءار جۇمىس ىستەيتىن ادام جۇمىسسىز قالسا، نە ىستەيتىنىن ويلاستىرىپ جۇرگەنى دۇرىس. ەگەر ارى قاراي نە ىستەۋ كەرەگىن تۇسىنبەي جۇرسەڭىز، وزىڭىزگە مىنا سۇراقتاردى قويىپ كورىڭىز:

- بۇل جاعدايدان قانداي ساباق الدىم؟

- بۇرىنعى جۇمىستا نە دۇرىس ەمەس بولدى؟

- مەنىڭ ءالسىز جانە مىقتى تۇستارىم قانداي؟

- بولاشاق جۇمىسىمنان نە العىم كەلەدى؟

- قانشا اقشا تولەسە دە، قانداي شارتتارعا كەلىسىم بەرمەيمىن؟

2. ەڭبەك كەلىسىم-شارتىن بۇزۋ كەزىندە جۇمىس بەرۋشىنى ءتيىمدى شارتتارعا كوندىرۋگە تىرىسىڭىز

جۇمىس بەرۋشىلەر قىزمەتكەردى زاڭسىز جۇمىستان شىعارسا، ولارمەن سوتتاسۋدان قورقادى. اسىرەسە، «قاۋىپ توبىنا» ايەلدەر، 40 جاستان اسقان ەرلەر جانە مۇمكىندىگى شەكتەۋلى ادامدار جاتادى. ءىس سوتقا دەيىن جەتپەس ءۇشىن جۇمىس بەرۋشىلەر قىزمەتكەرگە ىمىراعا كەلۋدى ۇسىنادى: بىرنەشە ايلىق، ساقتاندىرۋ سىيلىقاقىسى، جاقسى مىنەزدەمە جازىپ بەرۋ جانە ت. ب. ءسىزدى جۇمىستان شىعارىپ جىبەرگەن كەزدە قىزۋعا سالىنىپ، قۇجاتتارعا قول قويا سالماڭىز. الدىمەن ويلانۋعا بىرنەشە كۇن سۇراپ، زاڭگەرمەن كەڭەسىڭىز. سودان سوڭ ەگەر جۇمىس بەرۋشى ەشقانداي وتەماقى ۇسىنباسا، ونى ءوزىڭىز تالاپ ەتىڭىز.

3. جاڭا جۇمىس بەرۋشىگە شىندىقتى ايتىڭىز

جاڭا جۇمىس بەرۋشىمەن سويلەسكەندە نە ايتاتىنىڭىزدى نەمەسە ىلەسپە حاتقا نە جازاتىنىڭىزدى الدىن الا ويلاستىرىپ قويىڭىز. شىندىقتى ايتقان ءجون. ارينە، جالپى وتىرىك ايتقان دۇرىس ەمەس جانە بىركۇنى شىندىقتىڭ بەتى اشىلادى. سونداي-اق شىن وقيعا ادەمى وتىرىكتەن گورى جاقسى ءارى شىنايى ەستىلەدى. ءتىپتى، ءسىزدىڭ جۇمىسسىز قالۋىڭىزدىڭ سەبەبى جاعىمسىز بولسا دا، ونى جاڭا جۇمىس بەرۋشىگە اشىق ايتىڭىز. ءوزىڭىزدىڭ جەتىستىكتەرىڭىزدى ايتتىپ، سىزگە مۇمكىندىك بەرۋىن سۇراڭىز.

ءسىزدى ءبىر رەت ەمەس، بىرنەشە رەت قابىلداماۋى مۇمكىن. ءبىراق ەرتە مە، كەش پە ءسىزدىڭ ادالدىعىڭىزدى، ال كەيىن قابىلەتتەرىڭىزدى باعالايتىن ادام تابىلادى.

كۇيزەلىس پەن مۇڭايۋ - جۇمىسسىز قالعان ادامنىڭ تۇراقتى سەرىكتەرى. ءبىراق جۇمىسسىز قالۋدىڭ جاقسى تۇستارى بارىن دا ۇمىتپاڭىز: ءومىردىڭ جاڭا كەزەڭى باستالادى. جۇمىسقا دەگەن قاتىناسىڭىزدى وزگەرتىڭىز، جەتىستىكتەرىڭىزگە نازار اۋدارىڭىز، ءالسىز تۇستارىڭىزبەن جۇمىس ىستەڭىز جانە ماقساتىڭىزعا جەتكىزەتىن جۇمىس ىزدەڭىز.