قىتايدىڭ 3 ءىرى مەگاپوليسىندە كوروناۆيرۋستىڭ جاڭا تولقىنى تارالۋدا

ق ح ر دەنساۋلىق ساقتاۋ جانە گيگيەنا ماسەلەلەرى جونىندەگى مەملەكەتتىك كوميتەتىنىڭ دەرەكتەرىنە سايكەس، وتكەن تاۋلىكتە ماتەريكتىك قىتايدا كوروناۆيرۋستى 9 مىڭنان استام ادام جۇقتىرعان، ونىڭ ىشىندە گۋانجوۋدا - 2,5 مىڭنان استام، چۋنتسيندە - 750- دەن استام، بەيجىڭدە - ولاردىڭ سانى 100 گە جەتتى.

ۆەدومستۆونىڭ مالىمەتىنشە، ونىڭ ىشىندە %85 ىندا اۋرۋ بەلگىلەرى جوق (سيمپتومسىز). سوڭعى كۇندەرى بەيجىڭدە كوروناۆيرۋس ينفەكسياسى ءوسىپ جاتىر. قىتاي استاناسىندا ينفەكسيا قاۋپى جوعارى (جوعارى نەمەسە ورتاشا) 200 گە جۋىق تۇرعىن ايماعى بار. سوڭعى اپتادا كوروناۆيرۋس قىتايدىڭ بارلىق ايماعىندا تارالىپ جاتىر.

وسى جىلدىڭ تامىز ايىنان باستاپ ق ح ر شىڭجاڭ-ۇيعىر اۆتونوميالىق اۋدانىندا كۇردەلى ەپيدەميولوگيالىق جاعداي بايقالۋدا. شىڭجاڭدا وتكەن تاۋلىكتە COVID-19 ينفەكسياسىنىڭ 700 گە جۋىق جەرگىلىكتى جاعدايى انىقتالدى، ونىڭ باسىم كوپشىلىگى ءۇرىمجى قالاسىنا تيەسىلى.