تالدىقورعان ماڭىنداعى زيراتتا 3 قابىر اشىلىپ قالعان

تالدىقورعان. قازاقپارات - تالدىقورعان ماڭىنداعى حريستيانداردىڭ زيراتىندا الدەكىم قابىرلەردى قايتا اشىپ ءجۇر.

پوليتسيا بۇل فاكتى بويىنشا قىلمىستىق ءىس قوزعادى، دەپ حابارلايدى قازاقپارات ءتىلشىسى.

اتالعان جايتتىڭ ۆيدەوسى الەۋمەتتىك جەلىدە تارادى. بەينەجازبا اۆتورى ەڭبەك اۋىلىنداعى زيراتتا جەرلەنگەندەردىڭ قابىرىن بەلگىسىز بىرەۋلەردىڭ قايتا اشىپ كەتكەنىن ايتادى.

پوليتسيا بۇل فاكتىنى بىردەن تىركەپ، قازىر ءىستى جان-جاقتى تەرگەپ جاتىر.

«تالدىقورعان ماڭىندا ەڭبەك اۋىلىنداعى 3 قابىردىڭ بۇلىنگەنى انىقتالدى. الدىن الا بولجام بويىنشا، قابىرلەردى جان-جانۋارلار قازىپ كەتۋى مۇمكىن. بارلىق بولجامدار ەسكەرىلىپ، تەرگەۋ بارىسىندا نازارعا الىنادى. وسى فاكتى ق ر ق ك 314-بابى (ولگەن ادامداردىڭ مايىتتەرىن جانە ولار جەرلەنگەن جەرلەردى قورلاۋ) 1-بولىگىنە سايكەس تىركەلدى»، - دەپ مالىمدەدى جەتىسۋ وبلىستىق پوليتسيا دەپارتامەنتى باسپا ءسوز قىزمەتىنەن.

ايتا كەتەيىك، ءىستى تالدىقورعاننىڭ پوليتسياسى تەرگەپ جاتىر. اتالعان فاكتى وبلىستىق پوليتسيا دەپارتامەنتى باسشىلىعىنىڭ قاتاڭ باقىلاۋىندا.