پاۆلوداردىڭ 3 تۇرعىنى اۆتوبۋستاردا ۇرلىق جاساۋ ءۇشىن استاناعا ادەيى كەلگەن
استانا. قازاقپارات - استاناعا ادەيى كەلگەن پاۆلوداردىڭ ءۇش تۇرعىنى ادامعا لىق تولى اۆتوبۋستارعا كىرىپ، 15 ۇيالى تەلەفوندى قولدى ەتكەن. ولار ارەكەتتەرىن ءبىر كۇندە ىسكە اسىرىپ، قالادان شىعىپ كەتپەك بولعان، - دەپ حابارلايدى قازاقپارات Polisia.kz سايتىنا سىلتەمە جاساپ.
پوليتسياعا ەلوردا تۇرعىندارى اۆتوبۋس ىشىندە قىمبات ۇيالى تەلەفوندارى ۇرلانعانىن ايتىپ، ارىزدانعان.
«پوليتسيا قىزمەتكەرلەرى جەدەل- ىزدەستىرۋ ءىس- شارالارىن جۇرگىزۋ بارىسىندا كۇدىكتىلەردى ۇستادى. ولار بۇرىن ۇرلىق جاساعانى ءۇشىن سوتتالعان 33، 32 جانە 30 جاستاعى ءۇش ەر ادام بولىپ شىقتى.
ۇستالعان ءۇش قالتا ۇرىسى ەلورداعا پاۆلوداردان تۇندە كەلگەنى انىقتالدى. قاسكۇنەمدەردىڭ ماقساتى مارشرۋتتىق اۆتوبۋستاردا ۇرلىق جاساۋ بولعان. تاڭەرتەڭ ىسكە شىققان ولار قوعامدىق كولىكتە ءۇش ۇيالى تەلەفوندى ۇرلاعان، تۇستەن كەيىن استانادان شىعىپ كەتۋدى ويلاستىرعان. قالتا ۇرىلارى ادامدارعا تولى اۆتوبۋستارعا ادەيى كىرگەن.
زاتتاي دالەلدەمەلەر تاركىلەندى. ولاردىڭ قالتا ۇرلىعىنىڭ 15 فاكتىسىنە قاتىسى بار ەكەنى انىقتالدى. قازىرگى ۋاقىتتا ق ر قىلمىستىق كودەكسىنىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر»، - دەلىنگەن پوليتسيا مالىمەتىندە.
كۇدىكتىلەر قاماۋعا الىندى، ولاردىڭ وسىعان ۇقساس ءبىرقاتار قىلمىسقا قاتىستىلىعى تەكسەرىلۋدە.
