ا ق ش ۋكرايناعا 3 ميلليارد دوللار اسكەري كومەك بەرەدى
«ا ق ش تاۋەلسىزدىگى ءۇشىن كۇرەسىپ جاتقان ۋكراينا حالقىن قولداۋعا دايىن. بۇل مىندەتتەمەنىڭ اياسىندا ۋكراينانىڭ قورعانىس كۇشىنە ەڭ ءىرى ترانشتى كومەك كورسەتىلەتىنىن جاريالايمىن. قورعانىس سالاسىنا 2,98 ميلليارد دوللار بولىنەدى»، - دەدى پرەزيدەنت.
بايدەننىڭ سوزىنشە، بۇل ۋكرايناعا اۋەدەن قورعانۋ جۇيەسىن، ارتيللەريالىق جۇيەلەردى، وق-دارىلەردى، درونداردى جانە رادارلاردى ساتىپ الۋعا مۇمكىندىك بەرەدى.
«سوڭعى التى ايدىڭ ىشىندە ۋكراينداردىڭ ەرەكشە ەرلىگى مەن تاۋەلسىزدىككە ۇمتىلىسى بۇكىل الەمدى جىگەرلەندىردى. ولار رەسەيدىڭ باسىپ كىرۋىنە قايسارلىقپەن قارسىلىق تانىتىپ جاتىر. بۇگىن ءبىز وتكەندى عانا مەيرامداعان جوقپىز، ۋكراينا ەگەمەن جانە تاۋەلسىز مەملەكەت ەكەنىن جانە بولاشاقتا دا وسىلاي قالارىن راستاپ اتاپ ءوتىپ جاتىرمىز»، - دەگەن بايدەننىڭ قۇتتىقتاۋىندا.
19-تامىزدا دجو بايدەن ۋكرايناعا اسكەري كومەك رەتىندە 775 ميلليون دوللار ءبولۋ تۋرالى جارلىققا قول قويعان. وندا قولداۋ كورسەتۋ پاكەتىنە HIMARS سيستەمالارىنا ارنالعان وق-دارىلەر، 15 Sky Eagle درون اپپاراتى، راديولوكاتسياعا قارسى HARM زىمىراندارى، سونىمەن بىرگە تانككە قارسى TOW جانە Javelin كەشەندەرى كىرەتىنى حابارلانعان.
ا ق ش ۋكرايناعا جالپى 16 HIMARS جۇيەسىن بەردى. كيەۆ وسىعان دەيىن ونداعان شاقىرىم قاشىقتىقتان اتاتىن جۇيەلەرسىز دونباسستى قورعاي المايتىنىن، وككۋپاتسيالانعان ايماقتاردى ازات ەتە المايتىنىن ايتىپ كەلگەن.
«ازاتتىق»
