اقتاۋدا 3 جىگىت سۋعا كەتتى
بۇل تۋرالى ماڭعىستاۋ وبلىستىق توتەنشە جاعدايلار دەپارتامەنتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.
«-3 تامىزدا ساعات 16:38-دە ءتۇپقاراعان اۋدانى «دۋنگا» مۇناي كومپانياسىنىڭ سورعى ستانسياسى اۋدانىندا 3 ادامنىڭ سۋعا باتقانى تۋرالى حابارلاما كەلىپ ءتۇستى. سول جەردەگى تۇرعىندار 31 جاستاعى ەر ادامدى قۇتقارعان. ءبىراق ول اۋرۋحاناعا جەتپەي، جەدەل جاردەم كولىگىندە قايتىس بولدى. ال قۇتقارۋشىلار 35 جانە 31 جاستاعى ازاماتتاردىڭ ءمايىتىن سۋدان ءالى شىقتى» - دەلىنگەن باسپا ءسوز مالىمەتىندە.
جىگىتتەر رۇقسات ەتىلمەگەن جەردە سۋعا تۇسكەن. جالپى شومىلۋ ماۋسىمى باستالعالى وڭىردە 10 ادام سۋعا باتىپ قايتىس بولعان. ونىڭ بىرەۋى - جاسوسپىرىم. وسى جاعدايلاردى ەسكەرە وتىرىپ، ماڭعىستاۋ وبلىسى توتەنشە جاعدايلار دەپارتامەنتى تۇرعىنداردان سۋعا شومىلۋ كەزىندە قاۋىپسىزدىك شارالارىن قاتاڭ ساقتاۋدى سۇرايدى.
