08:10, 28 - شىلدە 2022 | GMT +5
ماڭعىستاۋدا جول-كولىك وقيعاسىنان 3 ادام قازا تاپتى
اقتاۋ. قازاقپارات - مۇنايلى اۋدانىندا ورىن العان جول-كولىك وقيعاسىنان ەكى كولىكتىڭ جۇرگىزۋشىسى مەن جولاۋشى وقيعا ورنىندا كوز جۇمدى، دەپ حابارلايدى قازاقپارات ءتىلشىسى.
ماڭعىستاۋ وبلىستىق ىشكى ىستەر دەپارتامەنتى باسپا ءسوز قىزمەتىنىڭ مالىمەتىنشە، وقيعا مۇنايلى اۋدانى قىزىلتوبە اۋىلىندا 27-شىلدە كۇنى ساعات 16:30 شاماسىندا بولعان.
«Volkswagen Passat اۆتوكولىگىنىڭ جۇرگىزۋشىسى اقتاۋ قالاسىنا قاراي بارا جاتىپ، قارسى جولاققا شىعىپ، Volkswagen Passat اۆتوكولىگىنە جول بەرمەي، سوقتىعىستى. كولىكتەردىڭ جۇرگىزۋشىسى مەن ءبىر جولاۋشى وقيعا ورنىندا كوز جۇمدى. اتالعان فاكتى بويىنشا قازاقستان رەسپۋبليكاسى قىلمىستىق كودەكسىنىڭ 345-بابى 4-بولىگى بويىنشا سوتقا دەيىنگى تەرگەۋ باستالدى»، - دەلىنگەن مالىمەتتە.
ايتا كەتەيىك، كولىك جۇرگىزۋشىلەرىنىڭ جانجالىنان بولعان كىسى ءولىمى وقيعاسى دا وسى مۇنايلى اۋدانىندا ورىن الىپ ەدى.
