13:25, 26 - شىلدە 2022 | GMT +5
استانادا گاز ستانساسىنداعى الاپات ورتتە كۇيىپ قالعان 3 ادامنىڭ جاعدايى اۋىر
نۇر-سۇلتان. قازاقپارات - ەلوردانىڭ قوعامدىق دەنساۋلىق ساقتاۋ باسقارماسى گاز تولتىرۋ ستانساسىنداعى ءىرى ءورت سالدارىنان زارداپ شەككەندەردىڭ جاي-كۇيى جايلى اقپارات بەردى، دەپ حابارلايدى قازاقپارات ءتىلشىسى.
ۆەدومستۆو مالىمەتىنشە، ءورت كەزىندە 4 ادام زارداپ شەككەن. ولار №1-قالالىق كوپبەيىندى اۋرۋحاناعا جەتكىزىلدى.
«1995 -جىلى دۇنيەگە كەلگەن پاتسيەنتتى ورتاشا اۋىر دەڭگەيدە تەرميالىق كۇيىك شالعان. 1992 -جىلى دۇنيەگە كەلگەن ەكى جانە 1969 -جىلى دۇنيەگە كەلگەن تاعى ءبىر پاتسيەنتتىڭ جاعدايى اۋىر. ۇشەۋىندە دە - ءۇشىنشى دارەجەلى كۇيىك شوگى. پاتسيەنتتەرگە قاجەتتى بۇكىل مەديتسينالىق كومەك كورسەتىلىپ جاتىر»، - دەپ اتاپ ءوتتى باسقارمادان.
بۇعان دەيىن، 25-شىلدە كۇنى ساعات 22.05-تە 101 پۋلتىنە قوبدا كوشەسى، 6-مەكەنجايىندا ءورت بولىپ جاتقانى تۋرالى حابارلاما تۇسكەن ەدى. وقيعا ورنىنا جەدەل تۇردە نۇر-سۇلتان قالاسىنىڭ ت ج د قۇتقارۋشىلارى جىبەرىلگەن.
