تۇركىستاندا ءوتىپ جاتقان تۋرنيككە تارتىلۋ فەستيۆالىنە 3 ەگىزدەر جۇبى قاتىستى - فوتو
ءىس- شارانى تۇركىستان قالاسى اكىمىنىڭ ورىنباسارى ەرلان كۇزەمبايەۆ پەن جوبا امباسسادورى، قوعام قايراتكەرى، جاتتىقتىرۋشى ءارى اكتەر ايتىم جاقىپوۆ اشىپ، قاتىسۋشىلارعا ساتتىلىك تىلەدى. «دارا» دارىندىلاردى قولداۋ قورىنىڭ ۇيىمداستىرۋىمەن جانە تۇركىستان وبلىسى اكىمدىگىنىڭ قولداۋىمەن ءوتىپ جاتقان فەستيۆالگە 270-كە جۋىق ادام قاتىستى.
ولاردىڭ ىشىندە 3 ەگىزدەر جۇبى بار: حاسان مەن حۋسان، حۋسان مەن حاسان جانە نۇراسىل مەن ەراسىل. سونداي-اق، جاسى 70-تى القىمداعان اقساقال داداجان كاريموۆ نەمەرەسى نۇرسۇلتاندى ارنايى ەرتىپ كەلىپتى. قاريا 10 رەت، نەمەرەسى 5 رەت تۋرنيككە تارتىلىپ، كوپشىلىكتىڭ ىقىلاسىنا بولەندى.
«ءبىزدىڭ اۋلادا سپورتتىق قۇرىلعىلار قويىلعان. كۇندەلىكتى تارتىلىپ، بۇقارالىق سپورتپەن شۇعىلدانامىز. بۇل - ءبىزدىڭ ۇيرەنشىكتى ءىسىمىز. كوپشىلىكتى سپورتپەن اينالىسۋعا شاقىرامىن. ءىس- شارانى ۇيىمداستىرۋشىلارعا كوپ راحمەت»، - دەدى اقساقال.
