كەشەدەن بەرى ءىز- ءتۇزسىز كەتكەن 3 جاسار بالا امان- ەسەن تابىلدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ۇلان اۋدانى تاۆريا اۋىلىندا جوعالىپ كەتكەن ءادىلحان ەسىمدى بالا امان تابىلعان.
- جەدەل ىزدەستىرۋ شارالارىنىڭ ناتيجەسىندە ءۇش جاسار بالا تۇرعىلىقتى جەرىنەن 3 شاقىرىم جەردەگى القاپتان تابىلدى. قازىرگى ۋاقىتتا بالا ۇيىندە، اتا- اناسىنىڭ قاسىندا. ولار ىزدەستىرۋگە كومەكتەسكەن بارلىق ازاماتتارعا العىسىن ايتىپ جاتىر. وقيعانىڭ ءمان- جايى انىقتالىپ جاتىر، - دەلىنگەن اقپاراتتا.
ەستەرىڭىزگە سالا كەتسەك، وسىعان دەيىن ش ق و- دا 3 جاسار بالانىڭ جوعالعانىن حابارلاعان ەدىك. ول ادەتتەگىدەي اۋلاعا ويناۋعا شىققان، ءبىراق ءبىراز ۋاقىتتان كەيىن جوعالىپ كەتكەن. اۋقىمدى ىزدەستىرۋ وپەراتسياسىندا اۋىل اۋماعى 16 سەكتورعا بولىنگەن. بارلىعى 621 ادام جۇمىلدىرىلدى. سونداي- اق كۆادروكوپتەرلەر مەن تىكۇشاق تارتىلعان.
اۆتور: تالعاتجان مۇحامەتبەك ۇلى
