شىعىس قازاقستاندا 3 مىڭنان استام ادامدى كەنە شاقتى

وسكەمەن. قازاقپارات - شىعىس قازاقستان وبلىسىندا 3 مىڭنان استام ادامدى كەنە شاقتى، دەپ حابارلايدى قازاقپارات ءتىلشىسى.

ش ق و سانيتارلىق- ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر بويىنشا ءساۋىر ايىنان بەرى ەندەميالىق اۋماقتاردا 3102 ادامدى كەنە شاقتى. ەڭ كوپ كەنەدەن زارداپ شەككەندەر - وسكەمەن تۇرعىندارى (1461). ودان كەيىن ريددەر قالاسى (629) مەن التاي اۋدانىنىڭ (387) حالقى تۇر. ال زايسان، سامار جانە ۇلان اۋداندارىندا كەنەلەردىڭ بەلسەندىلىگى ەڭ تومەن.

«كەنە ەنسەفاليتىنە شالدىققان 4 ادام تىركەلدى. ءۇش جاعداي وسكەمەن قالاسىندا، بىرەۋى كاتونقاراعاي اۋدانىندا بولىپ وتىر. ناۋقاستار كەنە شاققاننان كەيىن مەديتسينالىق كومەككە جۇگىنبەگەندىكتەن ولارعا كەنەگە قارسى يممۋنوگلوبۋلين سالىنعان جوق»، - دەلىنگەن اقپاراتتا.

اۆتور: تالعاتجان مۇحامەتبەك ۇلى