بالا تاربيەسىندەگى ماڭىزدى 3 كەزەڭ

ناتيجەسىندە ەڭ ءدامدى، شىرىگى جوق، تازا جەمىسىن سىيلايدى. ال جەمىس بەرەتىن ۋاقىتى كەلگەندە عانا كۇتىم جاساپ باستاساڭىز، كەشىكتىم دەي بەرىڭىز، شىرىگى بار جەمىس جەيسىز.

جۇكتىلىك كەزەڭ - بالا تاربيەسى تۇرعىسىنان ماڭىزدى كەزەڭنىڭ ءبىرى. سەبەبى بالانىڭ مىنەز- قۇلقىنىڭ كەيبىر تۇسى وسى كەزەڭدە قالىپتاسا باستايدى. ىشتە جاتقان ءسابيدىڭ قيمىلى اناسىنىڭ قۋانعانىنا نەمەسە قايعىرعانىنا قاراي وزگەرەدى. اناسى مۇڭايعاندا ءسابي قيمىلسىز جاتسا، اناسى قۋانعاندا جىبىرلاپ قوزعالا باستايدى. وسىلايشا ءسابي جاتىردا جاتقان كەزدىڭ وزىندە اناسىنىڭ پسيحولوگيالىق كۇيىنە قاراي كوڭىلدى، مۇڭدى نەمەسە توماعا- تۇيىق مىنەزدى بويىنا سىڭىرەدى.

1-كەزەڭ. 9 اي جاتىرداعى كەزەڭ

ادام بالاسىنىڭ بۇل ومىرگە ساياحاتى جاتىرعا تۇسكەن ساتىنەن باستالادى. سەبەبى انانىڭ پسيحولوگيالىق كوڭىل- كۇيى (ۇرىس- كەرىس، قۋانىش- قايعى ت. ب. ) قان ارقىلى بالاعا ءوتىپ، تىكەلەي اسەر ەتەدى. ەگەر انا رەنجىسە نەمەسە ءبىر نارسەدەن قورىقسا، ىشكى بەزدەردەن بولىنەتىن ءسول قانعا ارالاسادى دا، ارتىنشا بالادا سونداي كوڭىل كۇي پايدا بولادى. اناسى شارشاعاندا، جاتىردا جاتقان بالانىڭ قيمىل- قوزعالىسى ۇدەي تۇسسە، باسپالداقتان شىققاندا نەمەسە تەمەكى تارتقاندا، ىشتەگى ءسابيدىڭ دە جۇرەك سوعىسى جيىلەي تۇسەدى. 5 ايلىق كەزىندە جاتىرداعى بالانىڭ ەستۋ مۇشەسى جەتىلىپ، سىرتتان كەلگەن دىبىستاردى اجىراتا باستايدى جانە وسى كەزەڭدە بالادا ءومىر بويى قولداناتىن مي جاسۋشالارىنىڭ جارتىسىنان كوبى پايدا بولادى. ال جۇكتىلىكتىڭ 28 اپتاسىنان باستاپ ىشتەگى بالانىڭ قابىلداۋ قابىلەتى ارتىپ، ءتىپتى اناسى جەگەن ءتاتتىنى سەزىپ، قۋانادى ەكەن. ەڭ ماڭىزدى كەزەڭ دەپ وتىرعان وسى جۇكتىلىك كەزەڭىندە انانىڭ جەگەن تاعامىنان باستاپ، كوڭىل- كۇيى، ءومىر ءسۇرىپ جاتقان ورتاسىنا دەيىن ءبارى بالانىڭ مىنەز- قۇلقىنا اسەر ەتەدى. سوندىقتان كوڭىل- كۇيى جاقسى، سابىرلى، باقىتتى انادان دەنى ساۋ ۇرپاق دۇنيەگە كەلەدى.

2-كەزەڭ. بالانىڭ 0-3 جاس ارالىعى

بالانىڭ ميى 3 جاسىندا %80 عا دەيىن تولىق داميدى. العاشقى جىلى بالا ايلاپ ەمەس، ساعاتتاپ وسەدى. 1 جىلدا بويى 2 ەسە، ال سالماعى 3 ەسە وسەدى. سوندىقتان بالاعا پايدالى، قۇنارلى تاعامداردان بولەك، بالانىڭ قورشاعان ورتاسى دا ماكسيمالدى ءپوزيتيۆتى ەموتسيالارعا، وزگەرىستەرگە جانە ەرەكشەلىكتەرگە تولى بولۋى قاجەت. اسىرەسە، ءتۇرلى دىبىستار مەن يىستەر، جاڭا ءتۇرلى- ءتۇستى سۋرەتتەر بالاعا ەرەكشە اسەر ەتەدى. 3 جاسقا دەيىن بالانىڭ ميى قاتتى بەلسەندى بولاتىندىقتان، بۇل كەزەڭ دە بالا تاربيەسىندە ماڭىزى زور. بۇل كەزەڭدە ۇساق قول موتوريكاسىن دامىتقان ءجون. ول ءۇشىن ۇساق (ارپا، بيداي، كۇرىش، ت. ب. ) زاتتاردى بەرىپ ويناتۋ قاجەت.

3-كەزەڭ. بالانىڭ 5-6 جاس ارالىعى

بۇل كەزەڭدەگى جاستا بالانىڭ ميى تولىعىمەن داميدى، ياعني ەرەسەك ادام جاساي الاتىن دۇنيەلەردى بىرگە جاساپ ۇيرەنە الادى. بۇل كەزەڭدە بالانىڭ ەشقانداي زورلىق- زومبىلىق كورمەي، بارىنشا ەشكىمنەن قورىقپاي، اتا- اناسىنان ۇلگى الىپ وسكەنى دۇرىس. سەبەبى وسى كەزەڭ بالانىڭ ميىندا ءومىر بويى ەستە ساقتالىپ قالادى. سونىمەن قاتار بالانىڭ بىلىمگە قۇشتارلىعى دا وسى كەزەڭدە ويانادى. سول سەبەپتى ونىڭ قاي سالاعا قىزىعۋشىلىعى بارىن ءبىلۋ ءۇشىن ءتۇرلى سەكتسيالارعا بەرىپ، جانىنا جاقىنىن تاڭداۋعا كومەكتەسۋ كەرەك.