ءۇش رەسەيلىك بانككە قاتىستى 3 ميلليارد تەڭگە بۇعاتتالدى - ءمادينا ءابىلقاسىموۆا

بۇل تۋرالى ق ر قارجى نارىعىن رەتتەۋ جانە دامىتۋ اگەنتتىگىنىڭ ءتوراعاسى ءمادينا ءابىلقاسىموۆا ءمالىم ەتتى، دەپ حابارلايدى قازاقپارات ءتىلشىسى.

«قازاقستانداعى رەسەيلىك ءۇش ەنشىلەس بانككە قاتىستى سانكسيا ەنگىزىلگەننەن كەيىن، ءتيىستى شەكتەۋلەر بولدى. ولار شەتەلدەگى بانكتىڭ، ياعني كوررەسپوندەنت بانكتەردىڭ اكتيۆتەرىن بۇعاتتاۋعا قاتىستى جاسالدى. بۇل ءوز كەزەگىندە شەتەل ۆاليۋتاسىنداعى اكتيۆتەرگە بايلانىستى بولدى»، - دەدى م. ءابىلقاسىموۆا ماجىلىستە تىلشىلەر ساۋالىنا جاۋاپ بەرە وتىرىپ.

وسى ورايدا ول سانكتسيالار شەتەلدە بانكتەردىڭ اۆتيۆتەرىن تىكەلەي بۇعاتتاۋ قادامدارىن قاراستىراتىن اتاپ ءوتتى.

«ەكىنشىدەن، شەتەل بانكتەرىنە وسىنداي سانكتسياعا ىلىككەن بانكتەرمەن وپەراتسيالار جۇرگىزۋگە تىيىم سالىنعان. سونىمەن قاتار، شەتەل ۆاليۋتاسىندا وپەراتسيالار وتكىزۋگە دە شەكتەۋ بار. اتاپ ايتقاندا، ۇلتتىق ۆاليۋتادا، ياعني تەڭگەمەن وپەراتسيالار جۇرگىزۋگە ەشقانداي شەكتەۋلەر ەنگىزىلمەگەن»، - دەدى اگەنتتىك باسشىسى. مۇنىمەن قوسا ول مەملەكەت ىشىندە دە وپەراتسيالار وتكىزۋگە شەكتەۋلەر جاسالماعانىن ايتتى.

«بىزدەگى اقپاراتقا قاراعاندا، ءۇش رەسەيلىك بانك بويىنشا ءبىرقاتار كليەنتتىڭ شوتتارى ءۇش ميلليارد تەڭگەگە بۇعاتتالعان. قازىرگى كەزدە بۇل ادامدار سانكسياعا ىلىككەندەر ساناتىندا بولماسا، وندا وسى ادامداردىڭ وزدەرى ءتيىستى جۇمىستاردى اتقارۋى كەرەك. ياعني، بۇل ادامدارعا قاتىستى اكتيۆتەر بۇعاتتاۋدان شىعارىلادى. ءتيىستى تالاپتار قاراستىرىلعان، سوندىقتان ولار ا ق ش- تىڭ قارجى مينيسترلىگىنە قارايتىن شەتەل اكتيۆتەرىن قاداعالاۋ جونىندەگى باسقارماعا جۇگىنۋى ءتيىس. وسى ارقىلى اتالعان اكتيۆتەردى اينالىمعا شىعارا الادى»، - دەدى ءمادينا ءابىلقاسىموۆا.

اۆتور: رۋسلان عابباسوۆ