قازاقستاندىق دزيۋدوشىلار برازيلياداعى سۋردليمپيادادا تاعى 3 مەدال جەڭىپ الدى

نۇر- سۇلتان. قازاقپارات - برازيليانىڭ كاشياس- دۋ- سۋل قالاسىندا ءوتىپ جاتقان 24- جازعى سۋردليمپيادالىق ويىنداردا قازاقستاندىق دزيۋدوشىلار تاعى ءۇش مەدال جەڭىپ الدى، دەپ حابارلايدى قازاقپارات ءتىلشىسى.
None
None

قازاقستان دزيۋدو فەدەراتسياسى ءمالىم ەتكەنىندەي، ادىلبەك نۇرمۇحامەد 60 كەلىگە دەيىنگى سالماقتا فينالدا عانا قارسىلاسىنا ەسە جىبەرىپ، كۇمىس جۇلدەگە يە بولدى. سونىمەن قاتار شاياحمەت قاناپيانوۆ 73 كەلىگە دەيىنگى سالماقتا قولا مەدال يەگەرى اتاندى. وعان قوسا فەريدە كاراوگلى 48 كەلىگە دەيىنگى سالماقتا ۇزدىك ۇشتىككە ىلىكتى.

وسىلايشا، قازاقستاندىق سۋردودزيۋدوشىلار مەدال سانىن 4 كە جەتكىزدى. مۇندا سۋردودزيۋدودان قازاقستان قۇراماسىنىڭ اعا جاتتىقتىرۋشىسى حايروللا لۋكمانوۆتىڭ سىڭىرگەن ەڭبەگى مول. ەسكە سالا كەتەيىك، بۇدان بۇرىن قازاقستاندىق سپورتشىنىڭ برازيلياداعى سۋردليمپيادالىق ويىنداردا قولا جۇلدەگەر اتانعانىن جازعان بولاتىنبىز. باتىس قازاقستان وبلىسىنىڭ وكىلى دينا ەرجانوۆا سۋردودزيۋدودان 52 كەلىگە دەيىنگى سالماقتا جۇلدەگەرلەر قاتارىنان كورىنگەن ەدى.

اۆتور: ەلجان ەرالى

سوڭعى جاڭالىقتار