جىل باسىنان بەرى 3 مىڭنان استام ەتنيكالىق قازاق قانداس مارتەبەسىن الدى - مينيسترلىك

نۇر-سۇلتان. قازاقپارات - 2022 -جىلعى 1-ساۋىردەگى جاعداي بويىنشا 3078 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى، دەپ حابارلايدى قازاقپارت ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

مينيسترلىكتىڭ مالىمەتتەرىنە قاراعاندا، جالپى 1991 -جىلدان بەرى رەسپۋبليكاعا 1 ميلليون 90,1 مىڭ ەتنيكالىق قازاق ورالعان. جىل باسىنان قازاقستانعا كەلگەن قانداستاردىڭ جارتىسىنان كوبى (66,3 پايىز) وزبەكستاننان، 11,3 پايىز - قىتايدان، 10,9 پايىز - تۇرىكمەنستاننان، 2,2 پايىز - موڭعوليادان جانە 9,3 پايىز باسقا ەلدەردەن.

كەلگەن ەتنيكالىق قازاقتار نەگىزىنەن الماتى (30,2 پايىز)، ماڭعىستاۋ (19 پايىز)، تۇركىستان (11,4 پايىز) جانە جامبىل (5,9 پايىز) وبلىستارىنا، سونداي-اق الماتى (6,5 پايىز)، نۇر-سۇلتان (7,1 پايىز) جانە شىمكەنت (7,6 پايىز) قالالارىنا قونىستاندى.

بيىلعى جىلعى 1-ساۋىردەگى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 62,7 پايىزدى، ەڭبەككە قابىلەتتى جاستان كىشى 23,2 پايىزدى جانە زەينەتكەرلەر 14,1 پايىزدى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 11,5 پايىزى جوعارى ءبىلىمدى، 39,6 پايىزى ورتا كاسىبي ءبىلىمدى، 47 پايىز- ى جالپى ورتا ءبىلىمدى جانە 1,8 پايىزىنىڭ ءبىلىمى جوق.