كاسپي كونسورتسيۋمى ارقىلى مۇناي ەكسپورتى 3 ەسە تومەندەۋى مۇمكىن

None
None
نۇر- سۇلتان. قازاقپارات - قارا تەڭىزدەگى داۋىلدىڭ سالدارىنان كاسپي قۇبىر كونسورتسيۋمىنىڭ قۇبىر جۇيەسىنە زاقىم كەلدى. بۇل تۋرالى ك ق ك مالىمەتىنەن بەلگىلى بولدى، دەپ حابارلايدى قازاقپارات ءتىلشىسى.

داۋىلدان كەيىن جاعالاۋدان شىعارىلاتىن قۇرىلعىلاردى تەكسەرۋ كەزىندە ارنايى ەكىنشى جابدىق بولىگىندەگى 9-شى جانە 13- ءشى تارماعىنداعى قۇبىرعا زاقىم كەلگەنى انىقتالعان. اتاپ ايتقاندا، كاسپيي قۇبىر كونسورتسيۋمى وسىنداي ءۇش جابدىقپەن جاساقتالعان. بۇل جابدىقتار جاعالاۋدان قاشىقتاۋ جەردەن تانكەرلەرگە مۇناي تيەۋگە مۇمكىندىك بەرەدى.

«جۇيەدەگى اتالعان اقاۋ كۇردەلى بولىپ سانالادى. وسى ورايدا قۇرىلعىلاردى قاۋىپسىز پايدالانۋعا مۇمكىندىك بەرمەيدى. وسىعان بايلانىستى كاسپي قۇبىر كونسورتسيۋمى اتالعان جابدىقتاردى پايدالانۋدى ۋاقىتشا توقتاتۋعا ءماجبۇر بولىپ وتىر»، - دەلىنگەن تاراتىلعان مالىمەتتە.

وسىعان بايلانىستى شتاتتان تىس جاعداي مەن نارىقتىڭ اعىمداعى كونيۋنكتۋراسىندا جاڭا بولشەكتەردى جەتكىزۋدە ەلەۋلى قيىندىقتار بولۋى مۇمكىن ەكەنى ايتىلىپ وتىر. بۇل جاعدايدا كونسورتسيۋم باسشىلىعى جاقىن پەرسپەكتيۆادا جۇك جونەلتۋشى وتىنىمىنە قاراعاندا مۇناي تاسىمالى كولەمى ءۇش ەسە تومەندەۋى مۇمكىن ەكەنىن حابارلاپ وتىر. جوندەۋ جۇمىستارىن جۇرگىزۋگە ءبىراز ۋاقىت كەرەك بولۋى ىقتيمال.

اۆتور: رۋسلان عابباسوۆ


سوڭعى جاڭالىقتار