قازگيدرومەت الداعى 3 كۇننىڭ كۇن رايى بولجامىن جاريالادى

نۇر-سۇلتان. قازاقپارات - «قازگيدرومەت» 2022 -جىلعى 19-21-ناۋرىز ۇندەرىنىڭ كۇن رايى بولجامىن جاريالادى، دەپ حابارلايدى قازاقپارات.

«اپتا سوڭىندا قازاقستان اۋماعىنىڭ باسىم بولىگى سولتۇستىك- باتىس انتيتسيكلونى ىقپالىندا بولادى، وسىعان بايلانىستى ايازدى، كوبىنە جاۋىن- شاشىنسىز اۋا رايى ساقتالادى. الايدا جاڭا جەر ارحيپەلاگى جاقتان كەلەتىن سيكلون 20-ناۋرىزدا رەسپۋبليكانىڭ سولتۇستىك، سولتۇستىك- باتىس ايماقتارىنا اسەر ەتە باستايدى. سيكلون وڭتۇستىك- شىعىسقا قاراي اۋىسىپ، 21-ناۋرىزدا رەسپۋبليكانىڭ باسىم بولىگىن قامتيدى. وسىعان بايلانىستى اۋا تەمپەراتۋراسى جوعارىلاپ، كۇن كۇرت بۇزىلادى، اتاپ ايتقاندا وڭتۇستىكتە جانە وڭتۇستىك- شىعىستا قار ارالاس جاۋىن- شاشىن (جاڭبىر، قار) جاۋىپ، جەل كۇشەيەدى، جاياۋ بۇرقاسىن سوعۋى ىقتيمال. رەسپۋبليكا بويىنشا تۇمان ءتۇسۋى ىقتيمال»، - دەلىنگەن سينوپتيكتەر حابارلاماسىندا.