ارىقتاۋعا كومەكتەسەتىن 3 پايدالى ادەت
دەگەنمەن، كەي ادەتتەر دەنەنىڭ جالپى تونۋسىن جاقسارتۋعا، سىمباتتىراق بولۋعا جانە ارتىق تاماقتانباۋعا كومەكتەسەدى.
تاماق تانۋ كەزىندە الاڭداتاتىن نارسەلەردىڭ ءبارىن الىپ تاستاڭىز
ارتىق تاماقتانۋدىڭ باستى سەبەپتەرىنىڭ ءبىرى — تاماققا تولىقتاي نازار اۋدارماۋ. تاماق ءىشىپ وتىرىپ، كىتاپ نەمەسە جاڭالىق وقۋ، سەريال نەمەسە ۆيدەو قاراۋ، ينتەرنەت-دۇكەننەن جاڭا كيىم تاڭداۋ سەكىلدى ادەتتەردەن ارىلىڭىز. ايتپەسە، ميدىڭ نازارى ءسىز اينالىسىپ وتىرعان باسقا ىسكە اۋىسادى دا، قانشا تاماق جەگەنىڭىزدى باقىلاي الماي قالادى. تىنىشتىقتا تاماقتىڭ ءدامى مەن توقتىق سەزىمىنە عانا ءمان بەرىپ، تاماقتانىپ كورىڭىز.
تاتتىلەرمەن شاي ءىشۋدى دوعارىڭىز
شاي — ەڭ كالوريالى ءونىم دەگەن قالجىڭ بار. بۇل قالجىڭ شايمەن بىرگە ۇنەمى كامپيت، تورت ءتىلىمى نەمەسە باسقا دا ءتاتتى پىسىرمەلەر جۇرەتىندىكتەن پايدا بولعان. بۇلاي شاي ىشۋدەن ارىلۋ وڭايعا سوقپاۋى مۇمكىن، سەبەبى بۇل ادەت كوپشىلىكتە بالالىق شاقتان باستاپ قالىپتاسقان. الايدا ۇنەمى ءتاتتى جەۋ ارتىق سالماقتىڭ قوسىلۋىنا جانە كوپتەگەن سوزىلمالى اۋرۋلاردىڭ پايدا بولۋىنا ىقپال ەتەدى. ەشتەڭەسىز شاي ءىشۋدى ۇيرەنۋگە ءبىراز ۋاقىت كەتەدى، الايدا ول مۇمكىن نارسە.
جاياۋ ءجۇرىڭىز
قاراپايىم ءجۇرىستىڭ كۇشىن كوپشىلىك باعالاي بەرمەيدى. بۇل الاڭداۋدىڭ جانە ميدى پروبلەمالاردان بوساتۋدىڭ جاقسى ءادىسى. سونداي-اق، ءجۇرۋ دەنەنى قالىپتا ۇستاۋعا كومەكتەسەدى. ارينە، جىلدام ءجۇرۋ زالداعى جاتتىعۋلاردى اۋىستىرمايدى، ءبىراق دەنە سىمباتتىلىعىن ساقتاۋعا بولادى. جىلدام ءجۇرۋ كەزىندە بارلىق بۇلشىقەتتەر ىسكە قوسىلادى، ارقا مەن اياق سوزىلادى. ەگەر ۋاقىتىڭىز بولسا، جيى جاياۋ جۇرۋگە تىرىسىڭىز. ءبىر ايدان سوڭ ايتارلىقتاي ناتيجە بايقايسىز.
massaget.kz
