اقتوبەدە جول اپاتى كەزىندە 3 بالا جانىپ كەتتى

اقتوبە. قازاقپارات - اقتوبەدە جول اپاتى بولىپ، 15، 13 جانە 1 جاستاعى بالالار كولىك ىشىندە جانىپ كەتتى، دەپ حابارلايدى قازاقپارات ءتىلشىسى.

كەشە ساعات 16:00-دە اقتوبە قالاسىنىڭ وڭتۇستىك اينالما جولىندا جول اپاتى بولدى. وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، «LADA Largus» كولىگىنىڭ جۇرگىزۋشىسى الدىنداعى كولىكتى باسىپ وزۋ كەزىندە جول ەرەجەسىن ساقتاماي، سالدارىنان «DAF» ماركالى جۇك كولىگىنە سوقتىعىسقان. كەيىن جولدىڭ وڭ جاعىنا قاراي اۋدارىلعان.

«كولىك اۋدارىلعاندا اكەسى تەرەزەدەن ۇشىپ كەتكەن. ال كولىك جانىپ كەتتى. سالدارىنان 2007، 2009 جانە 2021 -جىلدارى تۋعان بالالار كولىك ىشىندە تىرىدەي جانىپ كەتتى. جۇرگىزۋشى جەدەل جاردەم اۋرۋحاناسىنا جەتكىزىلدى»، - دەدى وبلىستىق پوليتسيا دەپارتامەنتى باسپا ءسوز قىزمەتىنىڭ جەتەكشىسى ەربولات سارقۇلوۆ.

اۆتور: التىناي ساعىندىقوۆا