الداعى 3 كۇنگە ارنالعان اۋا رايى بولجامى

نۇر-سۇلتان. قازاقپارات - سينوپتيكتەر قازاقستاندا 13، 14- جانە 15- قاڭتارعا ارنالعان اۋا رايى بولجامىن ۇسىندى.

«قازگيدرومەت» ماماندارى بيىلعى قىس قازاقستاندىقتاردى سالىستىرمالى تۇردە جىلى اۋا رايىمەن ەرەكشەلەنەتىنىن اتاپ ءوتتى.

«سينوپتيكالىق پروتسەستەر تەز وزگەرىپ، بىردە ايازدى، بىردە جىلۋدى اكەلىپ جاتىر. دەمەك، كەلەسى انتيتسيكلون قازىردىڭ وزىندە ايازدى الىپ كەتىپ، كۇن جىلىنىپ جاتىر. ول ەلىمىز ارقىلى جىلجىپ، 15- قاڭتار كۇنى قازاقستاننىڭ بارلىق وبلىستارىن قامتيدى»، - دەلىنگەن حابارلامادا.

مەتەورولوگتاردىڭ ايتۋىنشا، اتالمىش تسيكلون وزىمەن بىرگە جاڭبىر مەن قار، ەكپىندى جەل مەن كوكتايعاق الا كەلەدى.

«تەرمومەتر باعانالارى تەز كوتەرىلەدى، ءتىپتى سولتۇستىك وبلىستاردا كۇندىز نەبارى 0-5 گرادۋس سۋىق بولادى»، - دەدى سينوپتيكتەر.