ءاليحان سمايىلوۆ ۋتيليزاتسيالىق الىم ماسەلەسىن رەتتەۋدى 3 مينيسترلىككە جۇكتەدى
نۇر- سۇلتان. قازاقپارات - ۋتيليزاتسيالىق الىم ماسەلەسىن رەتتەۋ ءۇشىن ەكولوگيا، قارجى جانە ۇلتتىق ەكونوميكا مينيسترلىكتەرى ۇكىمەتكە بىرلەسكەن ۇسىنىس ازىرلەپ، ەنگىزەتىن بولدى، دەپ حابارلادى قازاقپارات ءتىلشىسى.
بۇل تۋرالى ق ر پرەمەر- ءمينيسترى ءاليحان سمايىلوۆ ۇكىمەت وتىرىسىندا ايتتى.
«ناقتى سەكتور بويىنشا مىنانداي مىندەتتەر تۇر. ءبىرىنشى، ۋتيليزاتسيالىق الىم ماسەلەسى بويىنشا ەكولوگيا مينيسترلىگىنە قارجى، ۇلتتىق ەكونوميكا مينيسترلىكتەرىمەن، باسقا دا مۇددەلى مەملەكەتتىك ورگاندارمەن جانە ۇلتتىق كاسىپكەرلەر پالاتاسىمەن بىرلەسىپ، ناقتى ىسكە اسىرۋ مەحانيزمدەرى مەن ءتيىستى ۇسىنىستار ەنگىزۋدى تاپسىرامىن»، - دەدى ۇكىمەت باسىشسى.
ال مۇناي ونىمدەرىنىڭ نارىعىنداعى جاعدايدى رەتتەۋگە باس پروكۋراتۋرا اتسالىسپاق.
«ەكىنشى ەنەرگەتيكا مينيسترلىگىنە باسەكەلەستىكتى قورعاۋ جانە دامىتۋ اگەنتتىگىمەن، باس پروكۋراتۋرامەن جانە باسقا دا مەملەكەتتىك ورگاندارمەن بىرلەسىپ، مۇناي ونىمدەرى نارىعىن رەتتەۋ بويىنشا شارالار كەشەنىن ازىرلەۋدى تاپسىرامىن. ءۇشىنشى بيۋدجەتكە قوسىمشا كىرىس كوزىنىڭ ءبىرى - بەنزين وندىرۋشىلەر مەن دەلدالدارعا ارنالعان اكتسيزدەر بولۋى ءتيىس. ەنەرگەتيكا مينيسترلىگىنە قارجى، ۇلتتىق ەكونوميكا مينيسترلىكتەرىمەن بىرگە ءبىر اپتانىڭ ىشىندە ءتيىستى ەسەپتەر جاساپ، ورتاق ۇسىنىستار ەنگىزۋدى تاپسىرامىن»، - دەدى پرەمەر- مينيستر.
