نۇر- سۇلتاندا وتقا ورانعان قوناق ۇيدەن 3 بالا قۇتقارىلدى

نۇر- سۇلتان. قازاقپارات - ەلوردالىق ءورت سوندىرۋشىلەر وت شارپىعان عيماراتتان 4 ادامدى قۇتقاردى، دەپ حابارلايدى قازاقپارات.

قالالىق توتەنشە جاعدايلار دەپارتامەنتى تاراتقان مالىمەتكە سەنسەك، 9-جەلتوقسان كۇنى ساعات 18:14 شاماسىندا ەلوردالىق ءورت ءسوندىرۋ قىزمەتىنىڭ «101» پۋلتىنە الماتى اۋدانى بۇقتىرما، 38 مەكەنجايىندا ورنالاسقان 3 قاباتتى قوناق ءۇي كەشەنىندە ءورت شىققانى تۋرالى حابار تۇسكەن.

ءتىلسىز جاۋ كەشەننىڭ جەرتولەسىندە ورنالاسقان ساۋنادان شىققان. ءورت ءسوندىرۋ بارىسىندا قۇتقارۋشىلاردىڭ ۇيلەسىمدى ءارى جەدەل جۇمىسىنىڭ ارقاسىندا 4 ادام، ونىڭ ىشىندە 3 بالا قۇتقارىلىپ، 7 ادام ەۆاكۋاتسيالاندى. جالىن شارپىعان اۋماق 80 شارشى مەتردى قۇراعان. ءورتتىڭ سەبەپتەرى انىقتالىپ جاتىر. بۇل جۇمىسقا ەلوردالىق ت ج د 6 تەحنيكاسى مەن جەكە قۇرامىنان 27 ادام جۇمىلدىرىلعان.