اتىراۋدا 3 جىگىت جانارماي بەكەتىندە تۇرعان كولىكتى ايداپ اكەتكەن

وبلىستىق پوليتسيا دەپارتامەنتى باسپا ءسوز قىزمەتىنەن ءمالىم ەتكەندەي، وقيعا كەشە، 21-قاراشادا بولعان.

«اتىراۋ قالاسىنداعى قۇرمانعازى كوشەسىندە ورنالاسقان جانارماي بەكەتىندە تۇرعان «ۆاز-21015» اۆتوكولىگى ۇرلانعان. بۇل تۋرالى پوليتسياعا 21-قاراشا كۇنى ساعات 8:00 شاماسىندا 1978 -جىلعى ازاماتتان حابار ءتۇستى. وسىعان وراي جەدەل ارەكەت ەتكەن بەينەباقىلاۋ ينسپەكتورى «سەرگەك» كامەرالارىنىڭ كومەگىمەن ۇرلانعان كولىكتىڭ ءجۇرۋ باعىتى مەن تۇرعان جەرىن انىقتادى.

«باتىس-32» ەكيپاجى 1990، 1992 جانە 1992 -جىلى تۋعان كۇدىكتى ءۇش جىگىتتى ۇستاپ، اتىراۋ قالالىق پوليتسيا باسقارماسىنا جەتكىزدى» - دەپ حابارلادى دەپارتامەنتتىڭ باسپا ءسوز قىزمەتى.

قازىر ۇستالعان كۇدىكتىلەرگە قاتىستى ق ر قىلمىستىق كودەكسىنىڭ 200-بابىنىڭ 1-بولىگىمەن سوتقا دەيىنگى تەرگەۋ باستالدى.

اۆتور: بەك مۇستافا