قازاقستاندا تاعى 3 قارجى پيراميداسىنىڭ باسشىلارى سوتتالدى
نۇر- سۇلتان. قازاقپارات - باتىس قازاقستان وبلىسىندا 400 دەن استام ادام «ليدەر»، «التىن تۇمار»، «ۇلى بولاشاق» قارجى پيراميدالارىنا الدانعان، دەپ حابارلايدى قازاقپارات ءتىلشىسى.
ءبىر اپتادا قازاقستاندا 3 مىڭنان استام قىلمىس جاسالدى بۇل تۋرالى ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنەن ءمالىم ەتتى.
«قارجىلىق مونيتورينگ اگەنتتىگىنىڭ باتىس قازاقستان وبلىسى بويىنشا اۋماقتىق دەپارتامەنتىنىڭ قىزمەتكەرلەرى قارجى پيراميداسىن ۇيىمداستىرۋشىلاردىڭ قىزمەتىن توقتاتتى. ورال قالاسىنىڭ ەكى تۇرعىنى «ليدەر»، «التىن تۇمار» جانە «ۇلى بولاشاق» قارجى پيراميدالارىن ۇيىمداستىرىپ، ولارعا ازاماتتاردىڭ قاراجاتىن تارتقان. وسىلايشا ولار WhatsApp جەلىسىندە چات قۇرىپ، 7 كۇن ىشىندە سالىنعان قاراجاتتان %100 اساتىن سىياقى الۋدى ۇسىنعان»، - دەپ جازادى اگەنتتىكتىڭ باسپا ءسوز قىزمەتى.
وڭاي تابىس تۋرالى جارناماعا الدانعاندار اقشانى قولما- قول دا بەرگەن، Kaspi Gold كارتاسىنا دا اۋدارىپ وتىرعان.
«تەرگەۋ بارىسىندا ءبىر سالىمشىعا باسقا سالىمشىلاردىڭ ەسەبىنەن شىنىمەن دە تابىس تۇسكەنى انىقتالدى. «ليدەر»، «التىن تۇمار» جانە «ۇلى بولاشاق» قارجى پيراميدالارىنا 435 سالىمشىنىڭ 63 ميلليون تەڭگەدەن استام قاراجاتى تارتىلعان. پيراميدانى ۇيىمداستىرۋشىلار 5 جىلعا باس بوستاندىعىنان ايىرىلدى»، - دەپ جازىلعان رەسمي مالىمەتتە.
