اۋىلداسى زورلاعاندىعى تۋرالى جالعان سويلەگەن اقمولالىق ايەل 3 جىلعا سوتتالدى
ۆەدومستۆونىڭ مالىمەتىنشە، وتكەن جىلدىڭ جازىندا ساندىقتاۋ اۋدانىنداعى اۋىلداردىڭ ءبىرىنىڭ تۇرعىنى اۋداندىق پوليتسيا ءبولىمىنىڭ كەزەكشى بولىمىنە قوڭىراۋ شالىپ، اۋىل تۇرعىنى ونىڭ ەركىنە قارسى جىنىستىق قاتىناسقا تۇسكەنىن حابارلاعان.
وسى وقيعاعا بايلانىستى قىلمىستىق كودەكستىڭ 120-بابى بويىنشا سوتقا دەيىنگى تەرگەۋ جۇرگىزىلدى. پوليتسيا قىزمەتكەرلەرى كۇدىكتىنى ۇستادى. قىلمىستىق كودەكستىڭ 419-شى بابىندا كوزدەلگەن جالعان ايعاقتار بەرگەنى ءۇشىن قىلمىستىق جاۋاپتىلىق تۋرالى ەسكەرتىلگەن جابىرلەنۋشى بۇلتارتپاۋ شاراسىن تاڭداۋ كەزىندە كۇدىكتىگە كۇزەتپەن ۇستاۋ تۇرىندە ءوزىنىڭ ايعاقتارىن تالاپ ەتىپ، سوتقا ونى زورلاعانىن حابارلادى.
تەرگەۋ ارەكەتتەرىن جۇرگىزۋ كەزىندە ايەل ءوز ايعاقتارىن ايتىپ سەندىردى. 2020 -جىلدىڭ تامىزىندا قىلمىستىق ءىس ماتەريالدارى سوتقا جىبەرىلدى.
«سوت تەرگەۋى بارىسىندا 32 جاستاعى ايەل پوليتسياعا بەرگەن ايعاقتارىنان باس تارتىپ، وقيعانىڭ ءوزارا كەلىسىم بويىنشا بولعانىن مويىندادى. بىرگە تۇراتىن ادامنىڭ كوزىنە ءشوپ سالعاندىعىن ايتىپ قويعان اۋىلداسىنا اشۋلانعان ايەل، ودان ءارى قارىم-قاتىناسى تۋرالى ۋايىمداپ، پوليتسياعا قوڭىراۋ شالىپ، «زورلاۋ» تۋرالى حابارلادى. اۋىل تۇرعىنىنىڭ قوعامعا قاۋىپتى ءىس-ارەكەتتەرىنىڭ ناتيجەسىندە 7 ايدان استام قاماۋدا وتىرعان ساندىقتاۋ اۋدانى تۇرعىنىنىڭ كونستيتۋتسيالىق قۇقىقتارى بۇزىلدى، سونداي-اق قۇقىق قورعاۋ ورگاندارى مەن سوتتىڭ كۇشى مەن قاراجاتى نەگىزسىز جۇمسالدى»، - دەدى ۆەدومستۆودان.
ۆەدومستۆونىڭ باسپا ءسوز قىزمەتىنەن اتاپ وتكەندەي، ساندىقتاۋ اۋداندىق سوتىنىڭ ۇكىمىمەن بيىلعى جىلعى اقپاندا ەر ادام قىلمىستىق كودەكستىڭ 120-بابىندا كوزدەلگەن قىلمىستى جاساعانى ءۇشىن كىناسىز دەپ تانىلىپ، سوت زالىنان بوساتىلدى.
«ال قۇقىق قورعاۋ ورگاندارىن جاڭىلىستىرعان ايەلگە قاتىستى قىلمىستىق كودەكستىڭ 419-شى بابى «كورىنەۋ جالعان ءسوز جەتكىزۋ» بويىنشا سوتقا دەيىنگى تەرگەۋ باستالدى. 2021 -جىلعى تامىزدا قىلمىستىق ءىس ماتەريالدارى سوتقا جىبەرىلدى. وسىلايشا، كورىنەۋ جالعان ارىز بەرگەن ايەلدى زەرەندى اۋداندىق سوتىن قىلمىستىق كودەكستىڭ 419-شى بابىنىڭ 3-بولىگى بويىنشا 3 جىلعا باس بوستاندىعىنان ايىردى. قازاننىڭ 7 سىندە سوت ۇكىمى زاڭدى كۇشىنە ەندى»، - دەپ تولىقتىردى ۆەدومستۆودان.
قازىرگى ۋاقىتتا ايەل باس بوستاندىعىنان ايىرۋ ورىندارىندا جازاسىن وتەپ جاتىر. وسى رەتتە، اقمولالىق پوليتسيا قىزمەتكەرلەرى قىلمىستىق كودەكستىڭ 419-شى بابى «كورىنەۋ جالعان ءسوز جەتكىزۋ» بويىنشا قىلمىستىق جاۋاپقا تارتىلاتىنىن ەسكە سالادى.
ماسەلەن، قىلمىس جاساعانى تۋرالى كورىنەۋ جالعان ءسوز جەتكىزۋ 5 جىلعا دەيىنگى مەرزىمگە باس بوستاندىعىن شەكتەۋگە نەمەسە سول مەرزىمگە باس بوستاندىعىنان ايىرۋ جازاسىن قاراستىرادى.