رەسەي ازاماتى قازاقستاننان 3 جىل بويى زەينەتاقى الىپ كەلگەن
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، كوشى- قون قىزمەتىنىڭ ماماندارى ءوڭىر اۋماعىندا قوس ازاماتتىعى بار ادامداردى انىقتاۋ بويىنشا كۇندەلىكتى جۇمىس جۇرگىزۋدە. سونىڭ ناتيجەسىندە، جىل باسىنان بەرى قوس ازاماتتىقپەن جۇرگەن 60-تان استام ادام تىركەلگەن.
«4 - قازاندا زەينەتاقى تولەۋ جونىندەگى مەملەكەتتىك ورتالىقپەن سالىستىرۋ كەزىندە 19 جىل بۇرىن رەسەي فەدەراتسياسىنىڭ ازاماتتىعىن العان گلۋبوكوە اۋدانىنىڭ 66 جاستاعى تۇرعىنى انىقتالدى. ەر ادام 16 جىل بويى رەسەيدە زەينەتاقى الىپ، 2018 -جىلى زەينەتكەرلىك جاسقا تولعاننان كەيىن قازاقستان اۋماعىندا دا زەينەتاقى رەسىمدەگەن. قازىرگى ۋاقىتتا زاڭسىز الىنعان قاراجاتتى ءوندىرىپ الۋ ماسەلەسى قاراستىرىلۋدا»، - دەلىنگەن حابارلامادا.
ۆەدومستۆو دەرەگىنشە، باسقا ەلدىڭ ازاماتتىعىنا كىرەتىن ادام قازاقستاندىق ازاماتتىقتان باس تارتۋى قاجەت. ول ءۇشىن 30 كۇندىك مەرزىمدە ىشكى ىستەر ورگاندارىنا باسقا مەملەكەتتىڭ ازاماتتىعىن العانى تۋرالى حابارلاپ، قازاقستاننىڭ ءتولقۇجاتى مەن جەكە كۋالىگىن تاپسىرۋى ءتيىس.
«وكىنىشكە قاراي، ءوڭىردىڭ كەي تۇرعىندارى بۇل تالاپتى ەلەمەيدى. قوس ازاماتتىقپەن ءجۇرۋدىڭ نەگىزگى سەبەپتەرىنىڭ ءبىرى - كارانتيندىك شەكتەۋلەر كەزەڭىندە مەملەكەتتىك شەكارانى كەدەرگىسىز كەسىپ ءوتۋ. قازاقستان ازاماتتارىنىڭ قۇجاتتارىن پايدالانعانى ءۇشىن شەتەلدىكتەرگە ق ر ا ق ب ت ك- ءنىڭ 496-بابىنا سايكەس 100 ا ە ك كولەمىندە ايىپپۇل سالىنادى»، - دەدى وبلىستىق پ د كوشى- قون قىزمەتى باسقارماسىنىڭ باستىعى ەربول بەكپايەۆ.
اۆتور: تالعاتجان مۇحامەتبەك ۇلى
