قازاقستان شەكارا وتكەلىنەن قىتايدان ەۋروپاعا بەت العان 3 مىڭ جۇك پويىزى ءوتتى

بەيجىڭ. قازاقپارات - 2021 - جىلدىڭ ءبىرىنشى جارتى جىلدىعىندا قازاقستان مەن قىتايدىڭ شەكاراسىندا ورنالاسقان «دوستىق (ق ر) - الاشانكوۋ (ق ح ر)» شەكارا وتكەلى ارقىلى وتكەن «قىتاي- ەۋروپا» حالىقارالىق تەمىرجول جۇك تاسىمالداۋ مارشرۋتتارىنىڭ اياسىندا جۇك پويىزدارىنىڭ سانى ەداۋىر ءوستى،

دەپ حابارلايدى قازاقپاراتتىڭ مەنشىكتى ءتىلشىسى قىتاي كەدەنىنىڭ دەرەكتەرىنە سىلتەمە جاساپ.

جەرگىلىكتى كەدەننىڭ دەرەگىنە ساي، كورسەتىلگەن ۋاقىت ارالىعىندا «الاشانكوۋ»، قىتايدىڭ سولتۇستىك- باتىسىنداعى شىڭجاڭ- ۇيعىر اۆتونوميالىق اۋدانىنداعى قۇرلىقتاعى ءىرى شەكارا وتكەلى ارقىلى بارلىعى «قىتاي- ەۋروپا» مارشرۋتتارى بويىنشا جۇرگەن 3033 جۇك پويىزى وتكەن. بۇل وتكەن جىلدىڭ وسى كەزەڭىمەن سالىستىرعاندا، % 41,07- عا كوپ. تاسىمالدانعان تاۋارلاردىڭ كولەمى % 56,08- عا ءوسىپ، 2,28 ميلليون تونناعا جەتكەن.

قىتاي كەدەنى وكىلدەرىنىڭ ايتۋىنشا، «الاشانكوۋ» ترانسشەكارالىق وتكىزۋ پۋنكتى ارقىلى «قىتاي- ەۋروپا» مارشرۋتى بويىنشا جۇك پويىزدارىنىڭ قوزعالىسى تاۋلىك بويى جۇزەگە اسادى، ەكى باعىتتا دا جۇك تاسىمالىنىڭ تۇراقتى ءوسۋى بايقالادى. «الاشانكوۋ» شەكارا وتكەلى ارقىلى قىتايدى گەرمانيا، پولشا، بەلگيا جانە باسقالارىن قوسقاندا، 13 ەلمەن بايلانىستىراتىن 22 مارشرۋت جۇرەدى. تاسىمالداناتىن جۇكتەردىڭ تاۋارلىق نومەنكلاتۋراسى 200-دەن اسا تاۋار اتتارىن قوسادى.

ەسكە سالا كەتەيىك، 2013 -جىلعا دەيىن دوستىق (ق ر) جانە الاشانكوۋ (ق ح ر) ستانسيالارى ارقىلى وتەتىن شەكارا وتكەلى 1991 -جىلى قولدانۋعا بەرىلگەن ساتتەن باستاپ قازاقستان مەن قىتايدى بايلانىستىراتىن جالعىز تەمىرجول قاتىناسى بولدى. 2012 -جىلدىڭ جەلتوقسانىندا «التىنكول» (ق ر) - «حورگوس» (ق ح ر) تەمىرجول وتكەلى قولدانىسقا بەرىلدى.

اۆتور: ءبيبىحان سەرىكوۆا