17:38, 03 - شىلدە 2021 | GMT +5
كوروناۆيرۋسپەن اۋىرعان ادام نەلىكتەن 3 ايدان كەيىن ۆاكسينا الۋى كەرەك
نۇر-سۇلتان. قازاقپارات – ق ر د س م قوعامدىق دەنساۋلىق ساقتاۋ ۇلتتىق ورتالىعى باسقارما ءتوراعاسىنىڭ ورىنباسارى ايناگۇل قۋاتبايەۆا ك ۆ ي-مەن اۋىرعان ادامعا ءۇش ايدان سوڭ ۆاكسينا سالۋ تۋرالى شەشىم قالاي قابىلدانعانىن ءتۇسىندىردى.
بۇل جايىندا قالالىق اكىمدىكتىڭ رەسمي سايتىنا سىلتەمە جاساپ قازاقپارات حابارلايدى.
«ەلوردانىڭ باس مەملەكەتتىك سانيتار دارىگەرىنىڭ قاۋلىسىنا سايكەس اۋىرىپ جازىلعان ادامدى ءۇش ايدان كەيىن ۆاكسينالاۋ ۇسىنىلىپ وتىر. مۇنداي شەشىم ينفەكسيادان كەيىن 3-6 اي ارالىعىندا قايتا جۇقتىرۋ جاعدايلارىنىڭ ءجيى تىركەلۋىنە بايلانىستى تۋىندادى»، - دەدى ايناگۇل قۋاتبايەۆا.
ونىڭ ايتۋىنشا، كوروناۆيرۋسپەن اۋىرعان ازاماتتاردى ۆاكسيناتسيالاۋ ونسىزدا السىرەگەن اعزانىڭ قايتا جۇقتىرماۋى ءۇشىن ماڭىزدى.
ينفەكسيانى قايتا جۇقتىرۋ ادەتتە ۇلكەن قيىندىقتارعا اكەلەدى.
