3-شىلدە. قازاقپارات كۇنتىزبەسى
اتاۋلى كۇندەر
حالىقارالىق كووپەراتيۆتەر كۇنى
جىل سايىن شىلدەنىڭ ءبىرىنشى سەنبىسىندە اتالىپ وتەدى. بۇل كۇن ب ۇ ۇ باس اسسامبلەياسىنىڭ 1992 -جىلعى 16 -جەلتوقسانىنداعى № 47/90 رەزوليۋتسياسىمەن بەكىتىلگەن. حالىقارالىق كووپەراتيۆتەر كۇنىنىڭ ماقساتى - الەمدىك قوعامداستىقتىڭ نازارىن كووپەراتيۆتەرگە اۋدارۋ.
ەستە قالار وقيعالار
1903 -جىلى قازاقستانداعى ورتا ءبىلىم مەكەمەلەرىنىڭ ءبىرى - سەمەي مۇعالىمدەر سەمينارياسى اشىلدى. وعان سەمەي، كەرەكۋ، وسكەمەن، قارقارالى جانە اقمولا ۋەزدەرىنەن 24 بالا قابىلدانعان. كەيىن توبىل، بارناۋل جانە جەتىسۋ وقۋشىلارى قابىلدانا باستادى. سەميناريانىڭ ءبىرىنشى ديرەكتورى - ا. بەلىي.
1960 -جىلى قاراعاندىداعى مەتاللۋرگيا كومبيناتىندا تۇڭعىش دومنا پەشى ىسكە قوسىلدى جانە سول كۇنى قازاقستاننىڭ تۇڭعىش شويىنى الىندى. بۇل كۇن قازاقستان ماگنيتكاسىنىڭ دۇنيەگە كەلگەن كۇنى بولىپ سانالادى.
1970 -جىلى الماتى وبلىسى ىلە اۋدانى نوۆويلييسك كەنتى وبلىستىق ماڭىزى بار قالالار تىزىمىنە ەنگىزىلىپ، وعان قاپشاعاي قالاسى دەگەن اتاۋ بەرىلدى. ەجەلگى تۇركى سوزىنەن اۋدارعاندا «قاپشاعاي» ءسوزى «تاس شاتقال» دەگەن ماعىنانى بىلدىرەدى. بۇل تەرميننىڭ تاعى ءبىر نۇسقاسى بار، ول بويىنشا قازاق قولباسشىسى قاپتاعاي باتىر جوڭعارلارمەن سوعىس كەزىندە وسى جەردەگى وزەن ارقىلى ءوتىپ، ونىڭ ارناسىن قۇم سالىنعان قاپتىڭ كومەگىمەن جاپپاق بولعان.
1995 -جىلى قازاقستان رەسپۋبليكاسىنىڭ مەملەكەتتىك تاۋەلسىزدىگىنىڭ جاريالانۋىن ماڭگى ەستە قالدىرۋ، قوعامدى توپتاستىرۋ، گۋمانيزم، ۇلتارالىق تاتۋلىق، قازاقستاندىق پاتريوتيزم تاربيەلەۋ يدەيالارىن كوركەم بەينەلەۋ ماقساتىندا قر پرەزيدەنتى ن. نازاربايەۆتىڭ «الماتى قالاسىندا تاۋەلسىزدىك ەسكەرتكىشىن ورناتۋ تۋرالى» قاۋلىسى شىقتى.
2009 -جىلى استانا قالاسىندا توبەسى جابىق 30 مىڭ ورىندىق جاڭا «استانا ارەنا» ستاديونىنىڭ اشىلدى.
2010 -جىلى بولاشاقتا ىرگەسى قالاناتىن ۇلتتىق عارىش ورتالىعىنىڭ ورنىنا ەسكەرتكىش بەلگى مەن عارىش ستەلاسى ورناتىلدى. ول استانادا تۇران داڭعىلىنىڭ بويىندا 30 گەكتار اۋماقتا ورنالاسقان.
2013 -جىلى نومينالى 500 تەڭگەلىك «الەمدىك جانە ءداستۇرلى دىندەر كوشباسشىلارى سەزىنە 10 -جىل» ەسكەرتكىش كۇمىس تيىندار قولدانىسقا ەندى. مەتالدىڭ قۇرامى - Ag 925/ 31,1g, ديامەترى - 38,61 م م، دايىنداۋ ساپاسى - proof. تارالىمى - 000.
2013 -جىلى ارحەولوگتار اقمولا وبلىسى ساندىقتاۋ اۋدانىنىڭ بۇرىنعى سارقىراما مەكەنىنەن ءبىزدىڭ زامانىمىزعا دەيىنگى IV عاسىرعا تيەسىلى ءبىرقاتار بىرەگەي ەسكەرتكىشتەر تاپتى.
2015 -جىلى ماسكەۋ قالاسىندا (رەسەي فەدەراتسياسى) «مونەتا جۇلدىزدارى - 2015» ەسكەرتكىش مونەتالاردىڭ توعىزىنشى حالىقارالىق كونكۋرسىنىڭ جەڭىمپازدارىن جانە ديپلومانتتارىن ماراپاتتاۋ ءراسىمى ءوتتى. «جىل مونەتاسى» نوميناتسياسىندا ءۇشىنشى ورىندى قازاقستان رەسپۋبليكاسى ۇلتتىق بانكى ۇسىنعان «انا» كۇمىس مونەتاسى جەڭىپ الدى. «انا» - مونەتالاردا ادامزاتقا ورتاق قۇندىلىقتاردى كورسەتۋگە جانە ولاردى ادامنان ادامعا، جۇرەكتەن جۇرەككە وزىندىك باعدار رەتىندە جەتكىزۋگە ارنالعان سەريانىڭ العاشقى مونەتاسى.
2017 -جىلى قاراعاندىدا تاۋ- يندۋستريالدىق كوللەدجىنىڭ بازاسىندا شاحتادا ورنالاسقان ەرەكشە مۋزەي اشىلدى. شاحتا 15 مەتر تەرەڭدىكتە ورنالاسقان، ونىڭ اۋماعى ءجۇز شارشى مەتردەن اسادى. وندا قازىرگى شاحتالاردا قولدانىلاتىن قۇرال- جابدىقتار ورناتىلعان. ءار قۇرىلعىدا جابدىق تۋرالى اقپاراتتار ءۇش تىلدە كورسەتىلگەن.
2017 -جىلى قازان قالاسىندا وتكەن XIII حالىقارالىق مۇسىلمان كينوفەستيۆالىندە قازاقستاندىق رەجيسسەر ءسابيت قۇرمانبەكوۆتىڭ «ورالمان» اتتى تۋىندىسى كورسەتىلدى. اتالعان كارتينانىڭ ستسەنارييىن كينودراماتۋرگ نۇرلان سانجار جازىپ شىققان. وعان ءسابيت قۇرمانبەكوۆ تە كومەكتەستى. كومپوزيتورى - ايدوس ساعات. باستى رولدەردى دۋلىعا اقمولدا، ەرجان ءتۇسىپوۆ، ەسىم سەگىزبايەۆ، شىنار اسقاروۆا، بايان قانجابييەۆا جانە تاعى باسقا اكتەرلار سومدادى.
2018 -جىلى اقتوبەلىك ديزاينەر ءسابينا جانزاقوۆا ۇلتتىق كيىم ۇلگىسىمەن تۇركيانىڭ كەمەر قالاسىندا وتكەن حالىقارالىق بالالار جانە جاسوسپىرىمدەر شىعارماشىلىعى فەستيۆالىندە باس جۇلدەنى يەلەندى. وعان 15 ەلدەن 25 شىعارماشىلىق ۇجىم قاتىستى.
2020 -جىلى ەستونيادا حاريۋماا، يدا- ۆيرۋماا، تارتۋماا جانە ليايانە- ۆيرۋماا وكرۋگتەرىندە قازاقستان رەسپۋبليكاسىنىڭ قۇرمەتتى كونسۋلدىعىنىڭ سالتاناتتى اشىلۋى ءوتتى. قازاقستان ەلشىسى نۇرلان سەيتىموۆ قۇرمەتتى كونسۋلدىقتىڭ ءوزارا ءىس- قيمىلدىڭ بارلىق باعىتتارى بويىنشا، اسىرەسە ەلدەر اراسىنداعى ساۋدا- ەكونوميكالىق ىنتىماقتاستىقتى دامىتۋدا، سونداي- اق ەلىمىزدىڭ ازاماتتارى مەن زاڭدى تۇلعالارىنىڭ قۇقىقتارى مەن مۇددەلەرىن قورعاۋدا قازاقستان- ەستونيا قاتىناستارىن دامىتۋداعى ماڭىزدى ءرولىن اتاپ ءوتتى.
2020 -جىلى ۇلتتىق قورعانىس ۋنيۆەرسيتەتىندە تۇڭعىش پرەزيدەنت - ەلباسى نۇرسۇلتان نازاربايەۆقا ارنالعان مونۋمەنتتىڭ اشىلۋ ءراسىمى ءوتتى. بۇل مونۋمەنتتىڭ ۇلتتىق قورعانىس ۋنيۆەرسيتەتىندە ورناتىلۋىنىڭ سيمۆولدىق ءمانى زور. ەلباسى ەلىمىزدىڭ قورعانىس قابىلەتىن ارتتىرۋعا ەرەكشە كوڭىل ءبولدى. نۇرسۇلتان ءابىش ۇلى نازاربايەۆ اسكەري الەۋەتىمىزدى قالىپتاستىرۋ بارىسىندا ەڭ كۇردەلى دەگەن ماسەلەلەردى شەشۋگە ءوزى تىكەلەي ارالاستى. ونىڭ باسشىلىعىمەن حالقىمىز بەن ەلىمىزدى ىقتيمال اسكەري قاقتىعىستاردان قورعاۋ ماقساتىندا ارميامىزدىڭ پەرسپەكتيۆالارى مەن مىندەتتەرى، ۇلتتىق قاۋىپسىزدىكتى قامتاماسىز ەتۋدىڭ باسىمدىقتارى مەن مەحانيزمدەرى ايقىندالدى. نۇرسۇلتان نازاربايەۆ پرەزيدەنت بولعان جىلدارى اسكەري قۇرىلىمنىڭ زاڭنامالىق جانە قۇقىقتىق- نورماتيۆتىك بازاسى ازىرلەندى.
