قازاقستان اۋماعىنداعى سۋىق اۋا رايى الداعى 3 كۇندە ساقتالادى
نۇر- سۇلتان. قازاقپارات - «قازگيدرومەت» ر م ك 10-12 -ماۋسىم كۇندەرگى اۋا رايى بولجامىن ۇسىندى، دەپ حابارلايدى قازاقپارات.
«قوزعالىسى باياۋ وڭتۇستىك سيكلونى قازاقستان اۋماعىندا ءالى دە تۇراقتايدى. وسىعان بايلانىستى الداعى ءۇش تاۋلىكتە ەلىمىزدىڭ باسىم بولىگىندە جاڭبىر كۇتىلەدى، ورتالىقتا جانە وڭتۇستىك- شىعىستا نوسەر جاڭبىر جاۋىپ، ەكپىندى جەل، بۇرشاق بولجانادى. سونداي- اق وڭتۇستىكتە شاڭدى داۋىل تۇرادى. رەسپۋبليكانىڭ سولتۇستىك، ورتالىق جانە شىعىس بولىگىندەگى اۋا تەمپەراتۋراسىنىڭ تومەندەۋىنە سكانديناۆيالىق كەزەكتى سۋىق انتيسيكلون ىقپال ەتەدى. بۇل ايماقتاردا تەرمومەتر باعاندارى تۇندە 2-10 جىلىعا دەيىن، كۇندىز 15-20 جىلىعا دەيىن، وڭتۇستىكتە 7-18 جىلىعا دەيىن، كۇندىز 22-35 جىلىعا دەيىن تومەندەيدى. باتىس وڭىرلەردە اۋا تەمپەراتۋراسى تۇندە 15-23 جىلىعا، كۇندىز 25-37 جىلىعا دەيىن وزگەرەدى.
