شەنگەن ايماعىنا تاعى 3 مەملەكەت قوسىلۋى مۇمكىن

نۇر-سۇلتان.قازاقپارات - ەۋرووداق شەنگەن ايماعىن كەڭەيتىپ، نىعايتۋدى كوزدەپ وتىر، دەپ حابارلايدى «حابار 24».

26 مەملەكەتتى قامتيتىن ۆيزاسىز ايماققا كەلەشەكتە تاعى 3 مەملەكەت كىرۋى مۇمكىن. بريۋسسەل، سونداي- اق ەۋرووداقتىڭ سىرتقى شەكاراسىن قورعاۋدى كۇشەيتۋگە نيەتتى.

وسى ماقساتتا ليۆيا، ماروككو جانە تۇكيامەن ميگرانتتارعا بايلانىستى ىنتىماقتاستىقتى نىعايتۋ جوسپارلانعان. بۇدان بولەك، ەۋروكوميسسيا كوروناۆيرۋس پاندەمياسى كەزىندە جابىلعان شەكارانى اشىپ، وداق اۋماعىندا ادامدار مەن تاۋارلاردىڭ ەركىن قوزعالۋىن قالپىنا كەلتىرۋدى قولعا الاتىنىن ايتادى.

يلۆا يوحانسسون، ىشكى ىستەر جونىندەگى ەۋروكوميسسار:

- ەۋروپالىق وداقتا بەلگىلەنگەن تالاپتاردى ورىنداعان ەلدەر شەنگەن ايماعىنا كىرۋى ءتيىس. قازىر ۆيزاسىز ايماققا قوسىلۋ ءۇشىن قويىلاتىن شارتتارعا بولگاريا، رۋمىنيا جانە حورۆاتيا ساي كەلەدى. ەۋروپالىق وداق كەڭەسى جۋىق ارادا وسى ماسەلەگە قاتىستى شەشىم قابلداۋى مۇمكىن.