3-ماۋسىم. قازاقپارات كۇنتىزبەسى
اتاۋلى كۇندەر
دۇنيەجۇزىلىك ۆەلوسيپەد كۇنى
2018 -جىلى 12-مامىردا بۇۇ باس اسسامبلەياسى بۇل كۇندى ب ۇ ۇ- نىڭ الەمدىك جانە حالىقارالىق كۇندەرىنىڭ تىزىمىنە قوستى. ب ۇ ۇ باس اسسامبلەياسى دۇنيەجۇزىلىك ۆەلوسيپەد كۇنىن ەكولوگيانىڭ بۇزىلۋىنىڭ الدىن الىپ، ادامداردى دەنە شىنىقتىرۋعا باۋلۋ ءۇشىن، دەنساۋلىققا پايدالى ۆەلوسيپەد تەبۋدى ناسيحاتتاۋ ءۇشىن ەنگىزگەن.
ەستە قالار وقيعالار
1988 -جىلى قازاق ك س ر جوعارعى كەڭەسى جارلىعىمەن حالىققا ءبىلىم بەرۋ مينيسترلىگى قۇرىلدى. اتالمىش مينيسترلىك قازاقستان رەسپۋبليكاسى پرەزيدەنتىنىڭ 1992 -جىلعى مامىردىڭ 8-ىندەگى جارلىعىمەن جانە قازاقستان رەسپۋبليكاسىنىڭ «ءبىلىم تۋرالى» زاڭى نەگىزىندە ءبىلىم مينيسترلىگى بولىپ قايتا قۇرىلدى.
1995 -جىلى يۋنەسكو- نىڭ پاريجدەگى شتاب- پاتەرىندە ۇلى ويشىل ابايدىڭ (1845-1904) 150 جىلدىعىنا ارنالعان مادەني كۇندەر باستالدى.
1999 -جىلى قوجا احمەت ياساۋي كەسەنەسى ىشىندەگى كىشى اقسارايعا قازاق حالقىنىڭ حاندارى مەن بيلەرىنىڭ سۇيەكتەرى قايتا جەرلەندى.
2002 -جىلى الماتىدا ازياداعى ءوزارا ءىس- قيمىل جانە سەنىم شارالارى جونىندەگى كەڭەستىڭ العاشقى باسقوسۋى ءوتتى. وعان 16 قاتىسۋشى ەلدىڭ، سونداي- اق ب ۇ ۇ- نىڭ، ە ق ى ۇ- نىڭ، اراب مەملەكەتتەرى ليگاسىنىڭ جانە 8 باقىلاۋشى ەلدىڭ وكىلەتتى دەلەگاتسيالارى قاتىستى.
كەزدەسۋ بارىسىندا تاريحي قۇجاتتار - اوىسشك الماتى اكتىسى مەن تەرروريزمدى الاستاۋ مەن وركەنيەتتەر اراسىنداعى ءۇن قاتىسۋعا جاردەمدەسۋ تۋرالى دەكلاراتسيا قابىلداندى.
2013 -جىلى اتىراۋ قالاسىنىڭ دەلەگاتسياسى ازەربايجانعا بارعان ساپارى بارىسىندا اتىراۋ (قازاقستان) مەن شيرۆان (ازەربايجان) اراسىندا ىنتىماقتاستىق- باۋىرلاستىق قاتىناس ورناتۋ تۋرالى بىرلەسكەن دەكلاراتسياعا قول قويىلدى.
2013 -جىلى پاۆلودار مەملەكەتتىك پەداگوگيكالىق ينستيتۋتىنىڭ ەكسپەديتسياسى شىعىس قازاقستان وبلىسى ءۇرجار اۋدانىندا جۇرگىزگەن قازبا جۇمىستارى كەزىندە قورعاننان ساق حانىمىنىڭ مۇردەسىن تاپتى.
2014 -جىلى ۆەنگريادا قازاقتىڭ ۇلى اقىنى اباي ءمۇسىنىنىڭ سالتاناتتى اشىلۋى ءوتتى. ءمۇسىن ماجار ەلىنىڭ استاناسى بۋداپەشتتىڭ استانا كوشەسىنە ورناتىلدى.
2016 -جىلى ىستانبۇلدا تۇركى الەمىن دامىتۋعا قوسقان ۇلەسى ءۇشىن « قىزىل الما» سىيلىعىن سالتاناتتى تۇردە تابىستاۋ ءراسىمى ءوتتى. استانادا «استانا ارقاۋ» جىل سايىنعى تۇركى ءداستۇرلى مۋزىكا فەستيۆالىن ۇيىمداستىرعانى ءۇشىن EL production company ماراپاتتالدى. ماراپات كومپانيانىڭ باس ديرەكتورى ايگۇل بەيسەنبايەۆاعا تاپسىرىلدى. «استانا ارقاۋ» تۇركى الەمىنىڭ ءداستۇرلى مۋزىكاسىن دارىپتەيتىن ءىس- شارالاردى جۇزەگە اسىرۋ ارقىلى دۇنيەگە كەڭىنەن تانىلدى. سوڭعى 9 جىلدا بۇل فەستيۆالگە الەمدەگى بارلىق دەرلىك تۇركى حالىقتارىنىڭ ءداستۇرلى مۋزىكاسىن ورىندايتىن، ونى زەرتتەۋمەن اينالىساتىن مۋزىكانتتار مەن عالىمدار قاتىستى.
2017 -جىلى قوستانايدا قازاقستاندا ەڭ العاشقى «بالالار مۋزەيى» ءوز جۇمىسىن باستادى. قوستاناي ويىنشىقتار مۋزەيى - ەلىمىزدەگى جالعىز بالالارعا ارنالعان مۋزەي.
2018 -جىلى «ەسىك» مەملەكەتتىك تاريحي- مادەني قورىق- مۋزەيىندە قازاقستان مەن كورەيا رەسپۋبليكاسىنىڭ بىرىككەن «ۇلى جىبەك جولى بويىنداعى دوستىق جانە ارىپتەستىك» ەستەلىك- بەلگىسى ەسكەرتكىشى اشىلدى. بۇل ەستەلىك- بەلگى كورەيا رەسپۋبليكاسىنىڭ باستاماسىمەن 2013 -جىلدان باستاپ كورەيا، قىتاي، يران، وزبەكستان، تۇركيا، ءۇندىستان سىندى ۇلى جىبەك جولى بويىنداعى ەلدەردە قويىلعان. ەرەكشە بەلگىنى ورنالاستىرۋ مارتەبەسى ەجەلگى جىبەك جولىنىڭ بويىندا جاتقان «ەسىك» مەملەكەتتىك تاريحي- مادەني قورىق- مۋزەيىنىڭ ەنشىسىنە بۇيىردى.
2019 -جىلى «وتانداستار» قورى كوممەرتسيالىق ەمەس اكسيونەرلىك قوعامى جانىنداعى قوعامدىق كوميسسيانىڭ ءبىرىنشى وتىرىسى ءوتتى. ونىڭ نەگىزگى ماقساتى - وتانداستارعا جانە مەملەكەتتىك دياسپورالىق ساياساتتى ىسكە اسىرۋدا جان- جاقتى قولداۋ كورسەتۋ. قوعامدىق كوميسسيا، ءوز جۇمىسىن بۇكىل الەم قازاقتارىنىڭ تاريحي جانە ەتنيكالىق وتانى توڭىرەگىندە بىرىكتىرۋ يدەولوگياسىن نەگىزگە الا وتىرىپ، قازاق دياسپوراسىنا قاتىستى مەملەكەتتىك ساياساتتى قالىپتاستىرۋعا باعىتتاتىنى ايتىلدى.
2020 -جىلى قازاقستاندا «ەلباسى مەدالى» اتتى جاستاردىڭ جاڭا باعدارلاماسى باستالدى، ونىڭ ماقساتى - دارىندى جاستاردى ىزدەۋ جانە قولداۋ. «ەلباسى مەدالى» باعدارلاماسىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى قورى جانە «ەلباسى اكادەمياسى» ك ق «El عmiti» باستاماسى شەڭبەرىندە ىسكە اسىرادى. قور ءوز ءومىرىن وزگەرتكىسى كەلەتىن جانە قورشاعان الەمدى جاقسارتقىسى كەلەتىن بالالار مەن جاستارعا ارنالعان ادىستەمەلىك جانە ۇيىمداستىرۋشىلىق قولداۋ جۇيەسىن قۇردى. قاتىسۋشىلار تالىمگەرلەردىڭ كومەگىمەن اينالىساتىن بولادى، ولار دا ولاردىڭ جەتىستىكتەرىن باعالايدى. باعدارلامادا ەڭ باستىسى - 7 باعىت بويىنشا ماقسات قويۋ جانە ولارعا جوسپارلى تۇردە قول جەتكىزۋ.
2020 -جىلى قازاقستاندا ەكولوگيالىق ءبىلىمدى دامىتۋ جونىندەگى جوبا ىسكە قوسىلدى. جوبا نەگىزىنەن زاڭنامانى جەتىلدىرۋ جانە ەكولوگيالىق ءبىلىم بەرۋدى قازاقستاننىڭ ءبىلىم بەرۋ جۇيەسىنە ەنگىزۋ ءۇشىن قۇقىقتىق شەڭبەرلەر قۇرۋ ارقىلى مەملەكەتتىڭ جانە جاھاندىق الەمنىڭ تولىققاندى جانە تۇراقتى دامۋىنا، تابيعي رەسۋرستاردى ۇتىمدى پايدالانۋعا، قوعامدا ەكولوگيالىق جاۋاپكەرشىلىكتى قالىپتاستىرۋعا باعىتتالعان.
