قازگيدرومەت: ماۋسىمنىڭ 3-كۇنگى اۋا رايى بولجامى
كاسىپورىننىڭ مالىمەتتەرىنە قاراعاندا، 3-ماۋسىم كۇنى قازاقستان تەرريتورياسىنىڭ باسىم بولىگىندە وڭتۇستىكتەن كەلگەن سيكلون ساقتالادى، وسىعان بايلانىستى كەي جەرلەردە نايزاعاي ويناپ جاڭبىر جاۋادى، بۇرشاق جاۋۋى ىقتيمال. ەلىمىزدىڭ باتىس بولىگىنىڭ كەي جەرلەرىندە نوسەر جاۋىن جاۋادى.
رەسپۋبليكانىڭ كەي جەرلەرىندە جەل كۇشەيىپ، داۋىل تۇرادى، وڭتۇستىكتە جانە وڭتۇستىك- شىعىستا شاڭدى داۋىل تۇرادى، سولتۇستىگىندە تۇندە جانە تاڭدا تۇمان ءتۇسۋى ىقتيمال. جامبىل وبلىسىندا، كۇندىز قىزىلوردا، ماڭعىستاۋ وبلىستارىنىڭ كەي جەرلەرىندە شاڭدى داۋىل تۇرىپ، جەلدىڭ جىلدامدىعى سەكۋندىنا 15-20 مەترگە جەتەدى. جامبىل وبلىسىنىڭ كەي جەرلەرىندە بۇرشاق جاۋۋى ىقتيمال. باتىس قازاقستان وبلىسىندا، كۇندىز قوستاناي، سولتۇستىك قازاقستان وبلىستارىنىڭ كەي جەرلەرىندە داۋىل تۇرىپ، بۇرشاق جاۋادى، جەل 15-23 م/س جىلدامدىقپەن سوعادى.
سولتۇستىك قازاقستان وبلىسىندا تۇندە جانە تاڭەرتەڭ تۇمان تۇسەدى. تۇركىستان وبلىسىنىڭ تاۋلى ايماعىندا داۋىل تۇرادى، كۇندىز كەي جەرلەرىندە جەل شاڭدى داۋىل تۇرىپ، جىلدامدىعى سەكۋندىنا 15-20 مەترگە جەتەدى. اقمولا، الماتى، پاۆلودار، قاراعاندى وبلىستارىندا، كۇندىز اقتوبە، اتىراۋ وبلىستارىنىڭ كەي جەرلەرىندە جەل 15-23 م/س- قا دەيىن كۇشەيەدى.
اتىراۋ وبلىسىنىڭ كەي جەرلەرىندە داۋىل تۇرىپ، بۇرشاق جاۋادى. قاراعاندى وبلىسىنىڭ كەي جەرلەرىندە بۇرشاق جاۋۋى مۇمكىن. شىعىس قازاقستان وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى، كۇندىز ەكپىنى 25 م/س- قا دەيىن كۇشەيىپ، كەي جەرلەرىندە داۋىل تۇرىپ، بۇرشاق جاۋادى.
كۇندىز قىزىلوردا، جامبىل، ماڭعىستاۋ، اتىراۋ، شىعىس قازاقستان وبلىستارىنىڭ باسىم بولىگىندە، الماتى وبلىسىنىڭ كەي جەرلەرىندە، اقتوبە وبلىسىنىڭ وڭتۇستىگىندە اپتاپ ىستىق بولادى.
قىزىلوردا، جامبىل، اقتوبە وبلىستارىندا، اتىراۋ، قاراعاندى، الماتى، شىعىس قازاقستان، تۇركىستان، قوستاناي، پاۆلودار وبلىستارىنىڭ كەي جەرلەرىندە، اقمولا وبلىسىنىڭ جەكەلەگەن اۋدانىندا وتە ءورت قاۋپى ساقتالادى.
