ەۋرووداق ىشىندە ەركىن ءجۇرۋ ءۇشىن 3 تالاپتى ورىنداۋ كەرەك
ەۋروپا وداعى مەن بەلگيا ءوز سەرتيفيكاتتارىن راسىمدەۋىن اعىمداعى جىلدىڭ 1 - شىلدەسىنە دەيىن اياقتاۋى ءتيىس، بۇل ازاماتتاردىڭ ە و اۋماعىندا ەركىن ءجۇرۋىن جەڭىلدەتەدى. ەۋرووداق ىشىندە ەركىن ءجۇرۋدىڭ مىندەتتى تالاپتارى بەلگىلى بولدى.
اتاپ وتكەندە، ولار ۇشەۋ:
- كوروناۆيرۋسقا قارسى ۆاكسينا الۋ - جاقىندا عانا جاسالعان پ ت ر- تەست تەرىس ناتيجەسى - ۆيرۋسقا قارسى انتيدەنە، ياعني بەلگىلى ءبىر يممۋنيتەتتىڭ بولۋى.
ەۋرووداق دەڭگەيىندە بۇل تالاپتار 20 - مامىردا كەلىسىلگەن. وتكەن دەمالىس كۇندەرى بەلگيانىڭ ينفەكسيالىق اۋرۋلار جونىندەگى ساراپشىسى ناتان كلۋمەك ولاردىڭ بەلگيادا دا قولدانىلاتىنىن راستادى. «ءبىر دە ءبىر ەل وسى تالاپتارعا سايكەس كەلمەيتىن ساياحاتشىنى قابىلدامايدى»، - دەپ مالىمدەدى بەلگيا ساراپشىسى.
بۇدان باسقا، بەلگيا كۆي بويىنشا «قىزىل» ايماقتان ەلگە ورالعاندار ءۇشىن پ ت ر- تەست تالاپ ەتەتۋىن جالعاستىرادى.
اۆتور: زارينا تۋعانبايەۆا
