«كوكشەتاۋ- اتباسار» تاس جولىندا جول اپاتىنان 3 ادام كوز جۇمدى

ۆەدومستۆونىڭ مالىمەتىنشە، جول اپاتى بۇگىن ساعات 13:59-دا بولدى. بۇل تۋرالى ساعات 14:10 اتباسار اۋداندىق پوليتسيانىڭ كەزەكشىلىك بولىمىنە حابار ءتۇستى.

«وقيعا ورنىنا جەتكەن ءتارتىپ ساقشىلارى «ۆاز2110»، «گازەل» جانە «فولكسۆاگەن گولف» كولىكتەرىنىڭ سوعىلعانىن انىقتادى. سوقىدان «گازەل» كولىگىنىڭ گازباللون قۇرىلعىسى جارىلدى. جول- كولىك وقيعاسىنان «فولكسۆاگەن گولف» كولىگىنىڭ جۇرگىزۋشىسى مەن ەكى جولاۋشىسى وقيعا ورنىندا كوز جۇمدى. بۇدان بولەك، «گازەل» كولىگىنىڭ جولاۋشىسى ءتۇرلى دەنە جاراقاتىمەن اتباسار اۋداندىق اۋرۋحاناسىنا جەتكىزىلدى»، - دەدى ۆەدومستۆودان.

قازىرگى كەزدە، وسى وقيعاعا بايلانىستى قىلمىستىق كودەكستىڭ 345 -بابىنىڭ 4 -بولىگى بويىنشا سوتقا دەيىنگى تەرگەۋ امالدارى ءجۇرىپ جاتىر. ەسكە سالا كەتەيىك، ءساۋىردىڭ 6 سى كۇنى تۇنگى ساعات 22:00 شاماسىندا كوكشەتاۋ قالاسىندا ءۇش كولىك سوقتىعىسىپ، 42 جاستاعى ايەل كوز جۇمعان بولاتىن.